Niverow 28:6 - An Bibel Kernewek 20234 (Kernewek Kemmyn)

⁶ Offrynn leskys pub-dydhyek yw, hag a veu ordenys yn menydh Sinay rag sawer plegadow, offrynn dre dan dhe'n Arloedh.

Niverow 28:6 ပူးပေါင်းရင်းမြစ်များ

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

2 Kroniklys 31:3

An myghtern a ros a'y bythow y honan rag an offrynnow leskys, offrynnow leskys an myttin ha'n gorthugher, ha'n offrynnow leskys rag an sabotys, an loeryow nowydh ha'n goelyow apoyntys, dell yw skrifys yn lagha an Arloedh.

Ezra 3:4

Hag i a withas goel an skovvaow, dell yw skrifys, hag i a offrynnas an offrynnow leskys pub-dydhyek, orth niver, herwydh an usadow ordenys rag pub dydh.

Salmow 50:8

Ny'th keredhav drefenn dha offrynnow, ha prest a-dheragov yma dha offrynnow leskys.

Eksodus 24:18

Ha Moyses a entras a-ji dhe'n kommol hag yskynna war an menydh. Hag yth esa Moyses war an menydh dew-ugens dydh ha dew-ugens nos.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Ezekiel 46:14

Ty a brovi offrynn greun ganso pub myttin, unn hweghves rann a efa, hag unn tressa rann a hin a oyl rag glybya an bleus fin, avel offrynn greun dhe'n Arloedh, avel ordenans bys vykken.

Ezekiel 46:15

I a brovi an oen ha'n offrynn greun ha'n oyl pub myttin, rag offrynn leskys pub-dydhyek.

Levitikus 27:34

An re ma yw an gorhemmynnow a worhemmynnis an Arloedh dhe Moyses rag mebyon Ysrael yn menydh Sinay.

Levitikus 6:9

Gwra erghi dhe Aron ha'y vebyon ow leverel: Hemm yw lagha an offrynn leskys. An offrynn leskys a vydh war an oeles, war an alter, dres an nos bys y'n myttin, ha tan an alter a bes ow leski ynni.

Amos 5:25

A dhresowgh dhymm sakrifisow hag offrynnow dew-ugens blydhen y'n difeyth, A ji Ysrael?

Niverow 28:5

ynwedh an degves rann a efa a vleus fin, rag offrynn greun, kemmyskys gans kwarter hin a oyl gweskys.

Niverow 28:7

Y offrynn diwes a vydh peswora rann a hin rag pub oen; y'n tyller sans ty a wra diveri offrynn diwes a dhiwes krev dhe'n Arloedh.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;