Niverow 28:14 - An Bibel Kernewek 20234 (Kernewek Kemmyn)

¹⁴ Aga offrynnow diwes a vydh hanter hin a win rag tarow, tressa rann a hin rag hordh, ha kwarter hin rag oen; hemm yw an offrynn leskys a bub mis dres misyow an vlydhen.

Niverow 28:14 ပူးပေါင်းရင်းမြစ်များ

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Ysay 1:13

Na besyewgh dri offrynnow koeg! Ynkys yw kasadow dhymm. An loer nowydh ha'n sabot, gelwel kuntellesow solem – ny allav perthi kammhynseth yn kuntellesow solem.

Yeremia 48:35

Ha my a dhre diwedh yn Moab, yn-medh an Arloedh, dhodho ev neb a offrynn sakrifis yn tyller ughel ha leski offrynnow dh'aga duwow.

Ezekiel 46:4

Ha'n offrynn leskys a wra an pennsevik y dhre dhe'n Arloedh yn dydh an sabot a vydh hwegh oen heb namm, ha hordh heb namm.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Niverow 15:5

ha ty a bareus gwin rag an offrynn diwes, kwarter hin gans an offrynn leskys, po rag an sakrifis, rag pub oen.

Niverow 15:9

ena y fydh profys gans an tarow yowynk offrynn greun a deyr degves rann a efa a vleus fin, kemmyskys gans hanter hin a oyl;

Niverow 28:13

hag unn degves rann a efa a vleus fin kemmyskys gans oyl avel offrynn greun rag pub oen; rag offrynn leskys a sawer plegadow, offrynn dre dan dhe'n Arloedh.

Niverow 28:15

Ynwedh unn bogh rag offrynn pegh dhe'n Arloedh; offrynnys vydh, ryb an offrynn leskys pub-dydhyek ha'y offrynn diwes.

Niverow 28:7

Y offrynn diwes a vydh peswora rann a hin rag pub oen; y'n tyller sans ty a wra diveri offrynn diwes a dhiwes krev dhe'n Arloedh.

Niverow 29:18

ha'ga offrynn greun ha'ga offrynnow diwes rag an terewi, rag an hordhes ha rag an eyn, war-lergh aga niver, herwydh an ordenans;