Niverow 28:11 - An Bibel Kernewek 20234 (Kernewek Kemmyn)

¹¹ Yn dallethow agas misyow ty a wra offrynna offrynn leskys dhe'n Arloedh: dew darow yowynk, unn hordh, seyth oen unn bloedh heb namm;

Niverow 28:11 ပူးပေါင်းရင်းမြစ်များ

2 Myghternedh 4:23

Hag ev a leveris, ‘Prag y fynnydh mos dhodho hedhyw? Nyns yw na loer nowydh na sabot.’ Ha hi a leveris, ‘Y fydh da.’

1 Kroniklys 23:31

ha peskweyth mayth yw offrynnys offrynnow leskys dhe'n Arloedh yn sabotys, yn loeryow nowydh hag yn dy'goelyow, herwydh an niver rekwirys anedha, heb hedhi a-dherag an Arloedh.

2 Kroniklys 2:3

Solomon a dhannvonas ger dhe Hiram myghtern Tyr: ‘Ty a dhannvonas prenn keder dhe Davydh ow thas dhe dhrehevel chi ragdho dhe driga ynno.

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

2 Kroniklys 8:13

dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

Ezra 3:5

Hag a-wosa, i a offrynnas an offrynnow leskys pub-dydhyek erell, a'n loeryow nowydh, hag a oll goelyow apoyntys an Arloedh, hag offrynnow a bubonan neb a wrug offrynn bolonjedhek dhe'n Arloedh.

Nehemia 10:33

rag bara an wolok, ha'n offrynn greun pub-dydhyek, ha'n offrynn leskys pub-dydhyek, an sabotys, an loeryow nowydh, an goelyow apoyntys, an offrynnow sans, ha'n offrynnow pegh dhe wul dehwelyans rag Ysrael, ha rag oll ober chi agan Duw.

Salmow 40:6

Nyns osta hwansek dhe sakrifis hag offrynn; mes ty re igoras ow diwskovarn. Offrynn leskys hag offrynn peghes ny wovynnsys.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Salmow 81:4

Rag hemm yw ordenans dhe Ysrael, ha lagha a Dhuw Yakob.

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Ezekiel 46:1

Yndellma y lever an Arloedh: yet an klos a-bervedh, a vir troha'n est, a vydh deges y'n hwegh dydh a lavur; mes yn dydh an sabot y fydh igerys, hag yn dydh an loer nowydh.

Ezekiel 46:6

Yn dydh an loer nowydh ev a brovi tarow ha hwegh oen ha hordh; i a vydh heb namm.

Ezekiel 46:7

Hag ev a brovi offrynn greun unn efa rag an tarow hag efa rag an hordh, ha rag an eyn herwydh y vodh, war-barth gans hin a oyl rag pub efa.

Hosea 2:11

My a worr diwedh dhe oll hy heudhder: hy dy'goelyow, hy loeryow nowydh, hy sabotys, hag oll hy dy'goelyow apoyntys.

Levitikus 1:13

Mes ev a wolgh an pottys ha'n garrow gans dowr; ha'n oferyas a dhre oll anodho ha'y leski war an alter. Sakrifis leskys yw, offrynn dre dan, sawer plegadow dhe'n Arloedh.

Levitikus 1:3

Mars yw y offrynn offrynn leskys a'n gwarthek, offrynnes ev best gorow heb namm: gwres ev y offrynna orth daras tylda an kuntelles, may kaffo favour dherag an Arloedh.

Levitikus 1:9

Mes y bottys ha'y arrow ev a's golgh yn dowr; ha'n oferyas a lesk pup-tra oll war an alter avel offrynn leskys, offrynn dre dan, sawer plegadow dhe'n Arloedh.

Amos 3:5

A wra edhen koedha yn maglenn war an leur pan nag eus boes ynni? A wra antell lemmel a-dhiwar an leur heb kachya travyth?

Amos 8:5

ow leverel, ‘P'eur fydh tremenys an loer nowydh, may hyllyn gwertha greun? ha'n sabot, may hyllyn igeri marghas an ys’ – ow lehe an efa, ow kressya an shekel, hag ow toella gans fals vantolyow,

Niverow 10:10

Yn dydh agas lowena ynwedh, hag yn agas goelyow ordenys, hag yn dalleth agas misyow, hwi a wra hwytha an hirgern war agas offrynnow dre dan ha war sakrifisow agas offrynnow kres; i a vydh dhywgh avel kovadh a-rag agas Duw: my yw an Arloedh agas Duw.

Niverow 28:19

Hwi a offrynn offrynn dre dan, offrynn leskys dhe'n Arloedh: dew darow yowynk, unn hordh, ha seyth oen unn bloedh; i a vydh dhywgh heb namm;

Galatianys 4:10

Dy'goelyow a solempnyowgh hwi dour, ha misyow ha termynyow ha blydhynyow.

Kolossianys 2:16

Ytho, na wres denvyth agas breusi a-dro dhe dhybri nag eva, nag y'n mater a dy'goel na loer nowydh na sabot,

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

1 Samuel 20:5

Hag yn-medh Davydh dhe Yonathan, ‘Y fydh an loer nowydh a-vorow, ha ny allav fyllel esedha gans an myghtern orth an prys-boes; mes gas vy dhe dhones, may hylliv omgudha y'n gwel bys y'n tressa gorthugher.

1 Samuel 9:12

I a worthybis ha leverel, ‘Usi; ottava a-dheragowgh. Fistenewgh; ev re dheuth nammnygen dhe'n sita, rag yma sakrifis hedhyw rag an bobel y'n tyller ughel.