Niverow 27:20 - An Bibel Kernewek 20234 (Kernewek Kemmyn)

²⁰ Ty a wra gorra ynno nebes a'th awtorita, may fo gostydh an kuntelles oll a vebyon Ysrael.

Niverow 27:20 ပူးပေါင်းရင်းမြစ်များ

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

1 Kroniklys 29:23

Y'n eur na Solomon a esedhas war dron an Arloedh avel myghtern yn le Davydh y das; hag ev a sewenis, hag oll Ysrael a'n obayas.

1 Kroniklys 29:25

An Arloedh a ughelhas Solomon yn feur yn golok oll Ysrael ha ri dhodho meuredh ryel brassa es dell re bia war bub myghtern kyns yn Ysrael.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 27:19

gwra dhodho sevel a-rag Eleazar an oferyas ha'n kuntelles oll, ha ro dhodho charj yn aga golok.

Niverow 27:21

Hag ev a wra sevel a-rag Eleazar an oferyas, neb a wra govynn ragdho herwydh breus Urim a-rag an Arloedh; orth y er i a wra mos yn-mes, hag orth y er i a wra dos a-ji, hag ev ha mebyon Ysrael oll ganso, an kuntelles oll.’

1 Samuel 10:6

Ha spyrys an Arloedh a wra dha dhalghenna, ha profoesa a wredh gansa, ha treylys vydhydh yn gour arall.

1 Samuel 10:9

Ytho, pan dreylyas ev y geyn dhe asa Samuel, Duw a ros dhodho kolonn arall, hag oll an toknys ma a hwarva y'n jydh na.