Niverow 26:55 - An Bibel Kernewek 20234 (Kernewek Kemmyn)

⁵⁵ Mes an tir a vydh kevrennys gans tewlel prenn; herwydh henwyn kordhow aga thasow i a wra erita.

Niverow 26:55 ပူးပေါင်းရင်းမြစ်များ

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Lavarow Koth 18:18

Tewlel prenn a worfenn disputyans, hag ervira yntra kestrivoryon gevoethek.

Ezekiel 47:22

Hwi a'n rann ow tewlel prenn avel eretons dhywgh ha rag an alyons yw trigys yntredhowgh ha dhedha fleghes dineythys yn agas mysk. I a vydh ragowgh avel Ysraelysi teythyek; i a's tevydh eretons yn mysk loethow Ysrael.

Niverow 26:56

Aga eretons a vydh kevrennys herwydh an prenn ynter an brassa ha'n byghanna kordhow.’

Niverow 33:54

Hwi a wra ranna an tir rag eretons gans tewlel prenn herwydh agas teyluyow; dhe loeth bras hwi a re eretons bras, ha dhe loeth byghan hwi a re eretons byghan; dhe neb a goettho an prenn, henna a vydh dhodho; herwydh loethow agas tasow hwi a wra herya.

Niverow 34:13

Moyses a worhemmynnis dhe vebyon Ysrael, ow leverel: Hemm yw an tir a heryowgh gans tewlel prenn, re worhemmynnis an Arloedh dhe ri dhe'n naw loeth ha dhe'n hanter-loeth;

Niverow 36:2

I a leveris, ‘An Arloedh a worhemmynnis dhe'm arloedh may rollens tir avel eretons gans tewlel prenn dhe vebyon Ysrael; hag ow arloedh a veu gorhemmynnys gans an Arloedh dhe ri eretons Selofehad agan broder dh'y vyrghes.

Oberow 1:26

Hag i a dewlis prenn ragdha, ha'n prenn a goedhas war Matthias, ha reknys o yn mysk an unnek abostol.

Kolossianys 1:12

ow krassa dhe'n Tas re'gas gwrug gwiw dhe gavoes rann yn eretons an syns y'n golow.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 14:2

Aga thiredh o rynnys dhedha gans koelbrenn, dell worhemmynnis an Arloedh dhe Moyses rag an naw loeth ha'n hanter-loeth.

Yoshua 17:14

Mebyon Yosep a leveris dhe Yoshua, ‘Prag ny resys dhyn marnas unn eretons hag unn rann? Pobel vras on ni; ha kyns es lemmyn an Arloedh re'gan bennigas.’

Yoshua 18:6

Arhwithrewgh an tir yn seyth rann ha drewgh an manylyon omma dhymm. My a dewl prennyer ragowgh omma a-rag an Arloedh agan Duw.

Yoshua 19:1

Ha'n nessa koelbrenn a dheuth yn-mes rag Simeon, dhe loeth an Simeonysi war-lergh aga theyluyow; yth esa aga eretons yn kres loeth mebyon Yuda.

Yoshua 19:10

An tressa koelbrenn a dheuth yn-bann rag mebyon Zebulun war-lergh aga theyluyow. Or aga eretons a ystynnas bys yn Sarid.

Yoshua 19:17

An peswora koelbrenn a dheuth yn-mes rag mebyon Yssakar war-lergh aga theyluyow.

Yoshua 19:24

An pympes koelbrenn a dheuth yn-mes rag loeth mebyon Asher war-lergh aga theyluyow.

Yoshua 19:32

An hweghves koelbrenn a dheuth yn-mes rag mebyon Naftali war-lergh aga theyluyow.

Yoshua 19:40

An seythves koelbrenn a dheuth yn-mes rag loeth mebyon Dan war-lergh aga theyluyow.