Niverow 25:13 - An Bibel Kernewek 20234 (Kernewek Kemmyn)

¹³ hag y fydh dhodho, ha dh'y dhiyskynnysi war y lergh, kevambos a oferyaseth bys vykken, drefenn y vos avius rag y Dhuw, ha gul daspren rag mebyon Ysrael.” ’

Niverow 25:13 ပူးပေါင်းရင်းမြစ်များ

2 Samuel 21:3

Davydh a leveris dhe'n Gibeonysi, ‘Pandr'a wrav ragowgh? Fatell wrav vy dehwelyans, may fennigowgh eretons an Arloedh?’

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14

Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 2:27

Ytho Solomon a wordhellos Abiathar dhiworth oferyaseth an Arloedh; ow kewera yndella ger an Arloedh, a leveris a-dro dhe ji Eli yn Shilo.

Nehemia 13:29

Porth kov anedha, ow Duw, drefenn i dhe dhefola an oferyaseth, ha kevambos an oferyaseth ha'n Levysi.

Salmow 106:31

Hag y feu henna reknys dhodho avel ewnder a unn henedh dhe'n nessa bys vykken ha bynnari.

Salmow 119:139

Tan ow holonn re'm distruis, drefenn ow eskerens dhe ankevi dha eryow.

Salmow 69:9

Rag tan ow holonn a-barth dha ji re'm kollonkas, ha despit an re a'th skorn jy re goedhas warnav vy.

Eksodus 29:9

ha'ga grogysa gans grogysyow ha kelmi bondow-penn warnedha; ha'n oferyaseth a vydh dhedha der ordenans heb worfenn. Yndellma ty a wra sakra Aron ha'y vebyon.

Eksodus 32:30

An vorow Moyses a leveris dhe'n bobel, ‘Hwi re beghas pegh meur. Ha lemmyn my a wra yskynna dhe'n Arloedh; martesen my a yll gul prenedh rag agas pegh.’

Eksodus 40:15

ha'ga untya, dell untsys aga thas, ma'm serfyons avel oferysi: ha'ga untya a vydh dhedha rag oferyaseth vythkwethek dres aga henedhow.

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Yeremia 33:18

na ny vydh oferysi an Levysi heb gour y'm lok dhe offrynna offrynnow leskys ha dhe leski offrynnow ys, ha dhe wul sakrifisow bys vykken.

Yeremia 33:22

Dell na yllir nivera lu nev, na musura tewes an mor, yndellma my a ynkress has Davydh ow gwas, ha'n Levysi a venyster dhymm.

Levitikus 15:15

Ha'n oferyas a's offrynn, an eyl rag offrynn pegh ha'y ben rag offrynn leskys, ha'n oferyas a wra dehwelyans ragdho dherag an Arloedh rag y sygerans.

Malaki 2:8

Ha hwi a dreylyas a-dhiworth an fordh ha gul dhe lies trebuchya y'n lagha; hwi a dhefolas an kevambos gans Levi, yn-medh Arloedh an luyow.

Niverow 16:46

Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Niverow 16:47

Ytho Aron a'n kemmeras dell leveris Moyses, ha poenya yn mysk an kuntellyans; hag otta, an pla re dhallathsa seulabrys yn mysk an bobel; hag ev a worras an ynkys, ha gul prenedh rag an bobel.

Niverow 17:12

Ha mebyon Ysrael a leveris dhe Moyses, ‘Otta, ni a verow, diswrys on, diswrys on ni oll.

Niverow 25:14

Hanow an gour ledhys a Ysrael, a veu ledhys war-barth gans an Vidyanyades, o Zimri mab Salu, penn chi tasek an Simeonysi.

Yowann 2:17

Ha'y dhyskyblon a borthas kov bos skrifys, ‘Avi a-barth dha ji a'm devor.’

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

Ebrowyon 7:11

Ytho, mar teuth perfydhder der oferyaseth leviek (rag yn-danno an bobel a dhegemmeras dega an lagha), ena pana edhomm eus a gen oferyas dhe sevel war-lergh ordyr Melkisedek, a-der war-lergh ordyr Aron?

Yoshua 7:12

Ytho ny allas mebyon Ysrael sevel a-dherag aga eskerens; i a dreylyas aga hilbenn dh'aga eskerens, drefenn i aga honan dhe vos tra sakrys dhe dhistruyans. Ny vydhav genowgh namoy, marnas hwi a dhistru an taklow sakrys a-dhiworthowgh.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

Diskwedhyans 1:6

ha'gan gul gwlaskor, oferysi dhe Dhuw y Das; dhodho ev re bo gordhyans ha galloes trank heb worfenn. Amen.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.