Niverow 24:24 - An Bibel Kernewek 20234 (Kernewek Kemmyn)

²⁴ Mes gorholyon a wra dos a-dhiworth Kittim hag a wra plagya Asshur hag Eber; hag ev ynwedh a wra dos dhe dhistruyans.’

Niverow 24:24 ပူးပေါင်းရင်းမြစ်များ

Jenesis 10:4

Mebyon Yavan: Elisha, Tarshish, Kittim ha Dodanim.

Jenesis 14:13

Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 23:1

Profoesans a-dro dhe Tyr. Oulyewgh, a worholyon Tarshish; rag gwastys yw, heb chi, heb porth. Dhiworth pow Kyprus yw diskudhys dhedha.

Ezekiel 27:6

I a wrug dha roevow a dherow dhiworth Bashan; i a wrug dha flouryow a brenn kypres dhiworth arvoryow Kittim.

Daniel 10:20

Hag y leveris ev, ‘A wodhes prag re dheuth dhis? Lemmyn y tehwelav rag omladh erbynn pryns Persia; ha pan vydhav gyllys, otta, y teu pryns Pow Grek.

Daniel 11:30

Rag y hwra gorholyon Kittim dones er y bynn, hag own a'n jevydh hag omdenna. Ena ev a dhyllo y sorr erbynn an kevambos sans. Ev a dhehwel ha ri enor dhe'n re neb a as an kevambos sans.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Daniel 2:35

Ena an horn, an priweyth, an brons, an arghans, ha'n owr, oll war-barth, a veu terrys dhe demmyn, hag a dheuth ha bos kepar hag us leuryow-drushya an hav, ha'n gwyns a's hwythas dhe-ves, ma na veu kevys ol vyth anedha. Mes an men hag a weskis an delow a dheuth ha bos menydh bras ha lenwel oll an norvys.

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Daniel 8:21

An bogh blewek yw myghtern Pow Grek, ha'n korn bras ynter y dhewlagas yw an kynsa myghtern.

Niverow 24:20

Ena ev a viras war Amalek, ha kemmeres yn-bann y gows, ha leverel, ‘Amalek o kynsa an kenedhlow, mes wortiwedh ev a dheu dhe dhistruyans.’

Niverow 24:23

Hag ev a gemmeras yn-bann y gows, ha leverel, ‘Eghan, piw a wra bewa pan wra Duw hemma?

Matthew 24:15

‘Pan welowgh ytho pyth kasadow an difeythter menegys gans Daniel an profoes ow sevel y'n tyller sans (gwres an redyer konvedhes),

Luk 20:24

‘Diskwedhewgh dhymm dinerenn, piw a bew an imaj ha'n pennskrifa usi warnedhi?’ Yn-medhons i, ‘Sesar.’

Yowann 11:48

Mara'n gesyn yndella, pub den oll a vydh ow krysi ynno, ha'n Romanyon a dheu ha kemmeres dhe-ves agan tyller ha'gan kenedhel.’