Niverow 24:20 - An Bibel Kernewek 20234 (Kernewek Kemmyn)

²⁰ Ena ev a viras war Amalek, ha kemmeres yn-bann y gows, ha leverel, ‘Amalek o kynsa an kenedhlow, mes wortiwedh ev a dheu dhe dhistruyans.’

Niverow 24:20 ပူးပေါင်းရင်းမြစ်များ

Jenesis 36:12

Timna o iswreg Elifaz mab Esaw; ha hi a dhineythis Amalek dhe Elifaz. An re ma yw mebyon Ada, gwreg Esaw.

1 Kroniklys 4:43

I a ladhas remenant an Amalekysi re dhienksa; hag i re beu trigys ena bys y'n jydh ma.

Ester 3:1

Wosa an taklow ma, myghtern Ahasuerus a ughelhas Haman mab Hammedatha an Agagyas, ha'y avonsya, ha settya y se dres an bennsevigyon oll esa ganso.

Ester 9:14

Ytho an myghtern a erghis gul yndella; arghadow a veu res yn Shushan, hag i a grogas an deg mab a Haman.

Eksodus 17:14

Ha'n Arloedh a leveris dhe Moyses, ‘Skrif hemma yn lyver avel kovadh, ha'y dhasleverel yn diwskovarn Yoshua may tileav yn tien kov Amalek a-dhann nev.’

Eksodus 17:16

ow leverel, ‘Dorn war vaner an Arloedh! An Arloedh a'n jevydh bresel erbynn Amalek a henedh dhe henedh.’

Eksodus 17:8

Ena y teuth Amalek hag omladh erbynn Ysrael yn Refidim.

Niverow 24:19

Dre Yakob gwarthevyans a vydh gwrys, ha'n re a skap dhiworth sita a vydh distruys!’

Niverow 24:24

Mes gorholyon a wra dos a-dhiworth Kittim hag a wra plagya Asshur hag Eber; hag ev ynwedh a wra dos dhe dhistruyans.’

Niverow 24:7

Dowr a wra frosa a-dhiworth y gelern, ha'y has a vydh yn lies dowr, y vyghtern a vydh ughella ages Agag, ha'y ruvaneth a vydh ughelhes.

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

1 Samuel 14:48

Hag ev a wrug yn kolonnek, ha gweskel an Amalekysi, ha delivra Ysrael mes a leuv an re a's pylla.

1 Samuel 15:2

Yndellma y lever Arloedh an luyow, “My a gessydh an Amalekysi rag an pyth a wrussons ow settya erbynn mebyon Ysrael pan dheuthons yn-bann yn-mes a Ejyp.

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,

1 Samuel 30:17

Davydh a's gweskis dhiworth an bora bys gorthugher an nessa dydh. Ny dhienkas nagonan anedha, saw peswar kans gour yowynk, neb a varghogas war gowrvergh ha fia.