Niverow 24:17 - An Bibel Kernewek 20234 (Kernewek Kemmyn)

¹⁷ My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Niverow 24:17 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Myghternedh 3:5

Mes pan verwis Ahab, myghtern Moab a rebellyas erbynn myghtern Ysrael.

1 Kroniklys 18:2

Ev a fethas Moab, ha'n Moabysi a dheuth ha bos gostydh dhe Davydh, ow tri trubyt dhodho.

Salmow 110:2

An Arloedh a dhyllo gwelenn dha nerth yn-mes a Sion. Rewl ty yn mysk dha eskerens.

Salmow 45:6

Dha se, A Arloedh, a dhur bys vykken ha bynnari. Gwelenn dha vyghterneth yw gwelenn a ewnder.

Ysay 15:1

Profoesans a-dro dhe Moab: Ar yn Moab yw gwastys, distruys yn unn nos. Kir yn Moab yw gwastys, distruys yn unn nos.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 48:1

A-dro dhe Moab. Yndellma y lever Arloedh an luyow, Duw Ysrael: Go-ev, Nebo, gwastys yw! Kiryathaym yw gorrys dhe veth ha kemmerys; Misgab yw methek hag a berth euth.

Yeremia 48:45

Yn skeus Heshbon fowesigyon a hedhis, heb nerth; rag tan a dheuth yn-mes a Heshbon, flamm yn-mes a ji Sihon; ev a dhistruis tal Moab, ha kurun penn mebyon an tervans.

Zekaria 10:4

Dhiworto y teu an pennmen, dhiworto an ebil, dhiworto gwarak an gas, dhiworto y teu pub rewler.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Niverow 21:29

Go-jy, A Moab! Ty yw diswrys, a bobel Kemosh! Ev re wrug y vebyon yn fowesigyon, ha'y vyrghes yn kethesow, dhe vyghtern an Amorysi, Sihon.

Niverow 24:16

ger anodho ev neb a glew geryow Duw, hag a woer skians an Ughella, hag a wel gwelesigeth an Ollgalloesek, ow koedha yn transyek, mes ankudhys y dhewlagas:

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,

Ebrowyon 1:8

Mes a-dro dhe'n Mab y lever, ‘Dha dron, a Dhuw, yw bys vykken ha bynnari; gwelenn wiryon yw gwelenn dha wlaskor.

Ebrowyon 7:14

Rag pur gler yw y sevis agan Arloedh a Yuda hag a'n loeth na ny leveris Moyses travyth a-dro dhe oferysi.

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

1 Samuel 14:38

Ha Sowl a leveris ‘Dewgh omma, oll ledyoryon an bobel; ha konvedhyn ha miryn fatell dhrehevis an pegh ma hedhyw.