Niverow 23:24 - An Bibel Kernewek 20234 (Kernewek Kemmyn)

²⁴ Awotta pobel a sev avel lewes, hag a omdhrehav avel lew; ny wrowedh bys pan dhevor an preydh, hag eva goes an re ledhys.’

Niverow 23:24 ပူးပေါင်းရင်းမြစ်များ

Jenesis 49:27

‘Benyamin yw bleydh ow skwardya; Myttin ev a dheber y breydh, ha gorthugher ev a rann an pyth re beu pyllys.’

Jenesis 49:9

Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

1 Myghternedh 10:20

ha dewdhek lew a'ga sav orth an dhew benn a bubonan a'n hwegh gris. Ny veu gwrys bythkweth travyth haval yn gwlaskor vyth.

2 Kroniklys 9:18

Yth esa dhe'n tron hwegh gris ha skavell-droes, hag i a veu stegys orth an tron. A bub tu dhe'n esedhva yth esa breghva, ha dew lew a'ga sav ryb an breghvaow,

Salmow 17:12

Haval yw dhe lew hwansek dhe skwardya y breydh, ha kepar ha lew yowynk ow skolkya yn-dann gel.

Lavarow Koth 30:30

an lew hag yw an kreffa yn mysk bestes gwyls ha na fi dhe'n fo a-rag onan anedha;

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Nahum 2:11

Ple'ma fow an lewyon, ha tyller dybri an lewyon yowynk, le may hwre an lew, an lewes, kerdhes, ha'n lewik, heb denvyth dhe worra own ynna?

Nahum 2:12

An lew a skwardyas lowr rag y lewigow, ha taga rag y lewesow, ha lenwel a breydh y dell, ha'y fowys gans kig skwardys.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Niverow 23:25

Ha Balak a leveris dhe Balaam, ‘Na wra aga mollethi vytholl, na'ga benniga vytholl.’

Niverow 24:17

My a'n gwel, mes a-der lemmyn; my a'n aspi, mes a-der yn ogas; sterenn a wra dos war-rag yn-mes a Yakob, ha ternwelenn a wra sevel yn-mes a Ysrael; hi a wra brewi talyow Moab, ha kregyn oll mebyon Sheth.

Dewteronomi 33:20

Rag Gad, y leveris: Benniges yw neb a ledanha tir Gad; ev a blatt avel lew, ev a skward bregh, ha krogen maga ta.

Diskwedhyans 5:5

Hag onan a'n henavogyon a leveris dhymm, ‘Na wra oela. Otta, lew loeth Yuda, Gwreydhenn Davydh, re fethas dhe igeri an rol ha'y seyth sel.’