Niverow 23:21 - An Bibel Kernewek 20234 (Kernewek Kemmyn)

²¹ Ny welir anewnder yn Yakob; na ny welas ahwer yn Ysrael. Yma an Arloedh aga Duw gansa, hag yma garm myghtern yn aga mysk.

Niverow 23:21 ပူးပေါင်းရင်းမြစ်များ

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 118:15

Yma lev lowender ha selwyans yn tyldow an re wiryon; leuv dhyghow an Arloedh a wra taklow galloesek.

Salmow 135:21

Benniges re bo an Arloedh dhiworth Sion, neb usi trigys yn Yerusalem. Gormelewgh an Arloedh.

Salmow 23:4

Ha kyn kerdhav dre nans skeus ankow, ny borthav own a dhrog; rag yth esos genev; dha welenn ha'th lorgh a'm hebaskha.

Salmow 32:2

Gwynnvys an den na reken an Arloedh kammweyth dhodho, ha nag eus falsuri yn y spyrys.

Salmow 32:5

My a aswonnis ow feghes dhiso jy, ha ny gudhis ow hammweyth. My a leveris, ‘My a yes ow hammweyth dhe'n Arloedh’; ha ty a avas kabel ow feghes. Sela.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 97:1

An Arloedh a reyn, lowenhes an nor; bedhes heudhik ynysow pals.

Salmow 99:2

Meur yw an Arloedh yn Sion, hag ughel a-ugh oll an poblow.

Eksodus 13:21

Ha'n Arloedh eth a-dheragdha dydhweyth yn koloven a gommol dh'aga hembronk war an hyns, ha nosweyth yn koloven a dan dhe ri golow dhedha, may hallens mones dydh ha nos;

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 34:9

Hag y leveris, ‘Mar kevis lemmyn gras y'th wolok, A Arloedh, my a'th pys, gwres an Arloedh mones yn agan mysk, kynth yw pobel kales hy hilbenn; ha gav agan kammweyth ha'gan pegh, ha kemmer ni rag dha eretons.’

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 33:21

Mes ena an Arloedh meuredhek a vydh dhyn tyller a avonyow ha goverow ledan; ny vydh gorholyon gans roevow ow mos ynno, na ny vydh lester bras ow tremena dresto.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Niverow 14:18

“An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Niverow 14:19

Gav kammhynseth an bobel ma, my a'th pys, war-lergh dha dregeredh meur, kepar dell evsys an bobel ma, a-dhia asa Ejyp bys omma.’

Niverow 16:3

hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an Arloedh yn aga mysk; ytho prag yth omughelhowgh a-ugh kemmynieth an Arloedh?’

Niverow 9:22

Mar pe dew dhydh, po mis, po termyn pella, mayth esa an gommolenn ow tarya a-ugh an tabernakel, ow kortos ena, mebyon Ysrael esens trigys y'n kamp ha nyns ens yn-kerdh; mes pan ve kemmerys yn-bann, yth ens yn-kerdh.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 8:1

Lemmyn nyns eus dampnya rag an re usi yn Krist Yesu.

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 5:19

henn yw, yth esa Duw yn Krist, owth unnverhe an bys dhodho y honan, heb rekna aga drogoberow er aga fynn, hag ev re worras yn agan charj an geryow a unnverheans.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Dewteronomi 32:5

I re'n dyghtyas yn fals, nyns yns i y vebyon drefenn aga namm; yth yns i henedh gorth ha kamm.

Dewteronomi 33:5

Ev o myghtern yn Yeshurun pan omguntellas pennow an bobel, loethow Ysrael war-barth.

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Breusysi 6:13

Gideon a worthybis dhodho, ‘Mes, syrra, mars usi an Arloedh genen, ytho prag y hwarva oll hemma dhyn? Ha ple'ma oll an gweythresow marthys a dherivas agan tasow dhyn, ow leverel, “A ny wrug an Arloedh agan dri yn-bann a Ejyp?” Mes lemmyn an Arloedh re'gan tewlis dhe-ves, ha'gan ri yn leuv Midyan.’

1 Samuel 25:28

My a'th pys, gav treuspass dha vaghteth; rag an Arloedh a wra yn sur rag ow arloedh chi sur, drefenn ow arloedh dhe vatalyas batelyow an Arloedh; ha ny vydh drog kevys ynnos oll dha dhydhyow.