Niverow 23:19 - An Bibel Kernewek 20234 (Kernewek Kemmyn)

¹⁹ Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Niverow 23:19 ပူးပေါင်းရင်းမြစ်များ

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

1 Myghternedh 14:11

An keun a dheber an re a deylu Yeroboam a verow y'n sita; hag ydhyn an ayr a dheber an re a verow y'n pow; rag an Arloedh re gewsis.”

2 Myghternedh 15:12

Ambos an Arloedh o hemma, a ros dhe Yehu, ‘Dha vebyon a esedh war dron Ysrael bys y'n peswora henedh.’ Hag yndella y hwarva.

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

1 Kroniklys 17:17

Tra vyghan o y'th wolok, A Dhuw; ty re gewsis ynwedh a ji dha was rag termyn hir dhe dhos. Ty a wra vri ahanav avel den a dhegre ughel, A Arloedh Duw!

Salmow 110:4

An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

Salmow 132:11

An Arloedh re dos ti yn gwiryonedh dhe Davydh; ny wra ev treylya dhiworto: ‘Onan a'n frut a'th korf a worrav war dha se.

Salmow 77:9

A ankovas Duw bos grassyes? A dhegeas ev y druedh yn sorr?’ Sela.

Salmow 89:34

Ny dorrav ow hevambos, ha ny dreylyav an ger a dheuth yn-mes a'm diwweus.

Salmow 89:35

Unnweyth re des vy re'm sansoleth; ny wowlavarav orth Davydh.

Ysay 21:17

Remenant an waregoryon, kasoryon mebyon Kedar, a vydh boghes; rag an Arloedh, Duw Ysrael, re gewsis.

Ysay 31:2

Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 40:8

An gwels a wedher, gyllys krin yw an vleujenn, mes ger agan Duw a sev bys vykken.

Ysay 46:11

ow kelwel edhen-breydh dhiworth an howldrevel, an gour rag ow forpos a vro bell. My re gewsis, ha my a'n kowlwra; my re dewlis, ha my a'n gwra.

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Yeremia 4:28

Drefenn henna an nor a wra kyni, ha'n nevow a-ugh a vydh du: rag my re'n leveris, my re'n mynnas, ha ny'm bydh edrek, na ny gildennav a-dhiworto.

Daniel 4:28

Oll hemma a goedhas war Nebukadnessar an myghtern.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Habakkuk 2:3

Rag an welesigeth yw hwath rag termyn apoyntys; hi a fisten dhe'n diwedh, ha ny wowlever: kyn hok hi, rag hi a dheu yn surredi, ny dhelat hi.

Malaki 3:6

Rag my yw an Arloedh, ny wrav vy chanjya, ha hwi fleghes Yakob, nyns owgh hwi devedhys dhe dhiwedh.

Niverow 14:35

My, an Arloedh, re gewsis; yn sur hemma a wrav dhe oll an tebel guntelles ma yw kuntellys er ow fynn: y'n gwylvos ma i a dheu dhe leun worfenn, hag ena i a verow.

Niverow 23:18

Ha Balaam a gemmeras yn-bann y gows ha leverel, ‘Sav, Balak, ha klew; goslow orthiv, A vab Sippor:

Luk 21:33

Nev ha nor a dremen dhe-ves, mes ow geryow vy, ny dremenons dhe-ves.

Romanyon 11:29

Rag antreylyadow yw rohow ha galow Duw.

Romanyon 9:6

Mes nyns yw par dell fallsa ger Duw. Rag nyns yns dhe Ysrael oll hag yw sevys a Ysrael.

2 Timothi 2:13

Mar ny grysyn, ev a worta lel, rag ny yll ev omskonya y honan.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Ebrowyon 7:21

mes neb a veu gwrys oferyas gans ti – Duw a leveris dhodho, ‘An Arloedh re dos ha ny vynn treylya y vrys, “Ty yw oferyas bys vykken.” ’

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 4:5

Po a dybowgh an skryptor dhe leverel yn euver, ‘Trohag avi y yeun an spyrys a wrug ev dhe driga ynnowgh.’

Yoshua 21:45

Ny fyllis nagonan a'n ambosow da re gowssa an Arloedh dhe ji Ysrael; pubonan oll a veu kollenwys.

1 Samuel 15:29

Hag ynwedh, ny wra Splannder Ysrael naneyl toella na treylya y vrys.’

1 Samuel 3:12

Y'n jydh na my a gollenow erbynn Eli pup-tra re leveris vy a-dro dh'y ji, a-dhiworth an dalleth dhe'n gorfenn.