Niverow 23:13 - An Bibel Kernewek 20234 (Kernewek Kemmyn)

¹³ Ha Balak a leveris dhodho, ‘Deus genev dhe gen tyller, alena may hyllydh aga gweles; ny welydh marnas an rann ogassa, ha ny's welydh oll; ena gwra aga mollethi ragov alena.’

Niverow 23:13 ပူးပေါင်းရင်းမြစ်များ

1 Myghternedh 20:23

Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

Salmow 109:17

Ev a garas molleth, ha hi a dheu dhodho; ny vynnas bennath, ha pell yw hi dhiworto.

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Niverow 22:41

Ha'n vorow Balak a gemmeras Balaam ha'y dhri yn-bann dhe Bamoth-baal; hag alena ev a welas an rann ogassa a'n bobel.

Niverow 22:6

Deus lemmyn, molloth an bobel ragov, rag aga bos re alloesek ragov; martesen y hallav aga fetha ha'ga fesya dhiworth an tir; rag dell wonn, ev neb a vennigydh yw benniges, ha neb a vollethydh yw mollothek.’

Niverow 23:12

Hag ev a worthybis, ‘A ny dal dhymm gwaytyas leverel an pyth a worr an Arloedh y'm ganow?’

Niverow 23:14

Hag ev a'n kemmeras dhe wel Sofim, dhe benn Pisga, ha drehevel seyth alter, hag offrynna lodhen ha hordh war bub alter.

Yoshua 24:9

Ena Balak mab Sippor, myghtern Moab, a sevis dhe omladh erbynn Ysrael. Ev a dhannvonas ha gelwel dhe Balaam mab Beor, dh'agas mollethi.