Niverow 22:8 - An Bibel Kernewek 20234 (Kernewek Kemmyn)

⁸ Hag ev a leveris dhodho, ‘Trigewgh omma an nos ma, ha my a dhre dhywgh ger, dell gews an Arloedh dhymm’; ytho pennsevigyon Moab a wortas gans Balaam.

Niverow 22:8 ပူးပေါင်းရင်းမြစ်များ

1 Myghternedh 13:8

Mes gour Duw a leveris dhe'n myghtern, ‘Mar redh dhymm hanter dha wlaskor, nyns av a-ji genes; na ny dhebrav boes po eva dowr y'n tyller ma.

1 Myghternedh 22:14

Mes Mikaya a leveris, ‘Dell vew an Arloedh, pyth pynag a lever an Arloedh dhymm, henna y kowsav.’

Yeremia 12:2

Ty re's plansas, hag i re wreydhyas: i a dyv ha doen frut: ogas os yn aga ganow, mes pell dhiworth aga diwloneth.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Niverow 22:18

Mes Balaam a worthybis ha leverel dhe servysi Balak, ‘Kyn rollo Balak dhymm y ji leun a arghans hag owr, ny allsen mos dres gorhemmynn an Arloedh ow Duw, dhe wul le po moy.

Niverow 22:38

Balaam a leveris dhe Balak, ‘Otta, my re dheuth dhis! A ny vydh dhymm galloes vyth dhe leverel neppyth a'm honan? An ger a worr Duw y'm ganow, henna y tal dhymm kewsel.’

Niverow 22:7

Ytho henavogyon Moab ha henavogyon Midyan eth yn-kerdh gans pygans rag dewinieth yn aga dorn, ha dos dhe Balaam, ha ri dhodho messaj Balak.

Niverow 22:9

Ha Duw a dheuth dhe Balaam ha leverel, ‘Piw yw an wer ma genes?’

Niverow 23:12

Hag ev a worthybis, ‘A ny dal dhymm gwaytyas leverel an pyth a worr an Arloedh y'm ganow?’

Niverow 23:3

Ha Balaam a leveris dhe Balak, ‘Sav ryb dha offrynn leskys, ha my a wra mos; martesen an Arloedh a dheu dhe vetya genev; ha pypynag y tispleg dhymm my a lever dhis.’ Hag ev eth dhe ugheldir moel.

Niverow 24:13

“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”