Niverow 22:36 - An Bibel Kernewek 20234 (Kernewek Kemmyn)

³⁶ Pan glewas Balak bos Balaam devedhys, ev eth yn-mes dhe vetya ganso bys yn sita Moab, war or Arnon, yn penn pella an or.

Niverow 22:36 ပူးပေါင်းရင်းမြစ်များ

Jenesis 14:17

Ha myghtern Sodom eth yn-mes dh'y vetya wosa ev dhe dhehweles dhiworth gweskel Kedorlaomer ha'n vyghternedh esa ganso yn nans Shave (henn yw Nans an Myghtern).

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

Jenesis 46:29

Yosep a hernessyas y jarett ha mos yn-bann dhe vetya Ysrael y das yn Goshen. Pan y'n gwelas, ev a goedhas war y gonna hag oela war y gonna termyn hir.

Eksodus 18:7

Moyses eth yn-rag dhe dhyerbynna y hwegron hag omblegya a-ragdho hag amma dhodho; hag i a salusis an eyl y gila ha mos a-ji dhe'n tylda.

Ysay 16:2

Avel edhen ow trenija, tewlys dhiworth an neyth yth yw myrghes Moab orth rysyow Arnon.

Yeremia 48:20

Moab yw gorrys dhe veth, rag hy bos terrys; kynewgh hag oelewgh! Leverewgh e yn Arnon, Moab dhe vos gwastys.

Niverow 22:35

Hag el an Arloedh a leveris dhe Balaam, ‘Ke gans an wer; mes na gows marnas an ger a worhemmynnav dhis, henna y kewsydh.’ Ytho Balaam eth yn-rag gans pennsevigyon Balak.

Niverow 22:37

Ha Balak a leveris dhe Balaam, ‘A ny dhannvenis dhis dhe'th elwel? Prag ny dheuthys dhymm? A ny allav yn hwir dha enora?’

Oberow 28:15

An vreder neb a glewsa a-dro dhyn a dheuth alena bys yn Marghas Appius ha Tri Thavern rag metya orthyn. Orth aga gweles, Powl a rassas dhe Dhuw ha kemmeres kolonn.

Dewteronomi 2:24

‘Sevewgh, kewgh yn-kerdh, ha treusewgh nans Arnon: mir, my re ros y'th leuv Sihon an Amoryas myghtern Heshbon, ha'y bow. Dalleth y gemmeres yn perghennogeth, hag entra yn kas ganso.

Dewteronomi 3:8

Ytho y'n tor' na ni a gemmeras an tir dhiworth leuv dew vyghtern an Amorysi usi dres an Yordan, dhiworth nans Arnon bys yn menydh Hermon

Breusysi 11:18

Ena i a vyajyas der an gwylvos, i a dremenas ryb pow Edom ha tir Moab hag a dheuth dhe denewen an est dhe bow Moab hag a gampyas a'n tu arall dhe Arnon. Ny entersons tir Moab, rag Arnon o or Moab.

1 Samuel 13:10

Kettell worfennsa offrynna an offrynn leskys, Samuel a dheuth; ha Sowl eth yn-mes dhe vetya ganso ha'y salusi.