Niverow 22:23 - An Bibel Kernewek 20234 (Kernewek Kemmyn)

²³ Ha'n asen a welas el an Arloedh ow sevel y'n fordh, ha kledha noeth yn y dhorn; ha'n asen a dreylyas a-denewen yn-mes a'n fordh, ha mos y'n gwel; ha Balaam a weskis an asen, dh'y threylya y'n fordh.

Niverow 22:23 ပူးပေါင်းရင်းမြစ်များ

2 Myghternedh 6:17

Ena Elisha a bysis, ha leverel, ‘ARLOEDH, my a'th pys, igor y dhewlagas may hallo gweles.’ Ha'n Arloedh a igoras dewlagas an gour yowynk, hag ev a welas; leun o an menydh a vergh ha charettow a dan oll a-dro dhe Elisha.

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Yeremia 8:7

Hwath an hwibon y'n nevow a aswonn y dermynyow; ha'n durenn ha'n wennel ha'n aran a aswonn termyn aga devedhyans; mes ny aswonn ow fobel vy breus an Arloedh.

Daniel 10:7

Ha my, Daniel unnsel a welas an welesigeth; an dus esa genev ny welsons an welesigeth, mes kren bras a goedhas warnedha, hag y teghsons rag omgudha.

Niverow 22:22

Mes sorr Duw a veu enowys drefenn ev dhe vos; hag el an Arloedh a sevis y'n fordh avel y eskar. Lemmyn yth esa ev owth ehwias war an asen, hag yth esa y dhew was ganso.

Niverow 22:24

Ena el an Arloedh a sevis yn fordh gul ynter an gwinlannow, gans fos a bub tu.

Oberow 22:9

Lemmyn an re esa genev a welas devri an golow, mes ny glewsons an lev anodho ev neb esa ow kewsel orthiv.

Yoshua 5:13

Pan esa Yoshua ryb Yeriko, ev a dhrehevis y dhewlagas ha gweles gour ow sevel a-dheragdho gans y gledha tennys yn y dhorn. Yoshua eth dhodho ha leverel dhodho, ‘Osta ragon ni po rag agan eskerens?’

2 Peder 2:16

mes ev a gavas keredh y dhrogober y honan: asen avlavar ow kewsel gans lev den a lettyas muskokter an profoes.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.