Niverow 22:20 - An Bibel Kernewek 20234 (Kernewek Kemmyn)

²⁰ Ha Duw a dheuth dhe Balaam y'n nos ha leverel dhodho, ‘Mar teuva an wer dhe'th elwel, ke gansa; mes marnas an pyth a worhemmynnav, ty a'n gwra.’

Niverow 22:20 ပူးပေါင်းရင်းမြစ်များ

Salmow 81:12

Ytho my a's gasas dh'aga holonn worth, dhe gerdhes herwydh aga husulyow aga honan.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Hosea 13:11

My a ros dhis myghtern y'm sorr, ha my a'n kemmeras y'm konnar.

Niverow 22:19

My a'gas pys, lemmyn, trigewgh omma an nos ma ynwedh, may hwodhviv neppyth pella a wra an Arloedh leverel dhymm.’

Niverow 22:35

Hag el an Arloedh a leveris dhe Balaam, ‘Ke gans an wer; mes na gows marnas an ger a worhemmynnav dhis, henna y kewsydh.’ Ytho Balaam eth yn-rag gans pennsevigyon Balak.

Niverow 23:12

Hag ev a worthybis, ‘A ny dal dhymm gwaytyas leverel an pyth a worr an Arloedh y'm ganow?’

Niverow 23:16

Ha'n Arloedh a vetyas gans Balaam, ha gorra ger yn y anow, ha leverel, ‘Dehwel dhe Balak, hag yndellma y kewsydh.’

Niverow 23:26

Mes Balaam a worthybis ow leverel dhe Balak, ‘A ny leveris dhis, “Pup-tra a lever an Arloedh, henna y tal dhymm y wul”?’

Niverow 23:5

Ha'n Arloedh a worras ger yn ganow Balaam, ha leverel, ‘Dehwel dhe Balak, hag yndellma y kewsydh.’

Niverow 24:13

“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”

Niverow 24:4

ger anodho ev neb a glew geryow Duw, neb a wel gwelesigeth an Ollgalloesek, ow koedha yn transyek, mes ankudhys y dhewlagas: