Niverow 21:34 - An Bibel Kernewek 20234 (Kernewek Kemmyn)

³⁴ Mes an Arloedh a leveris dhe Moyses, ‘Na borth own anodho; rag my re'n ros yn dha dhorn, hag oll y bobel, ha'y dir; ha ty a wra dhodho par dell wrussys dhe Sihon myghtern an Amorysi, esa trigys yn Heshbon.’

Niverow 21:34 ပူးပေါင်းရင်းမြစ်များ

2 Samuel 5:19

Ytho Davydh a wovynnas orth an Arloedh, ha leverel, ‘A wrav vy mones yn-bann erbynn an Filistysi? A vynn'ta aga delivra a-berth y'm leuv?’ Ha'n Arloedh a leveris dhe Davydh, ‘Ke yn-bann; rag my a vynn yn hwir delivra an Filistysi a-berth y'th leuv.’

1 Myghternedh 20:13

Ena y teuth neb unn profoes dhe vyghtern Ahab a Ysrael ha leverel, ‘Yndellma y lever an Arloedh, A welsys oll an routh veur ma? Mir, my a's re y'th leuv hedhyw; ha ty a wodhvydh ow bos an Arloedh.’

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

2 Myghternedh 3:18

Ha nyns yw hemma marnas tra skav yn golok an Arloedh, rag ev a re Moab yn agas leuv.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Niverow 14:9

Mes, na sevewgh erbynn an Arloedh; ha na berthewgh own a bobel an tir, rag bara yns i ragon; aga skoes yw kemmerys a-dhiworta, hag yma an Arloedh genen; na berthewgh own anedha.’

Niverow 32:4

an tir a wrug an Arloedh y weskel a-rag kuntelles Ysrael, yw tir rag gwarthek; ha'th servysi a's teves gwarthek.’

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Dewteronomi 20:3

Y lever dhedha, ‘Klew, Ysrael, yth esowgh ow tos nes dhe'n gas erbynn agas eskerens. Na vedhewgh digolonnek, na berthewgh own, na fyskewgh dhe-ves yn euth, na vedhewgh dyegrys a-ragdha,

Dewteronomi 3:1

Ena ni a dreylyas hag yskynna war an fordh dhe Bashan, hag Og myghtern Bashan a dheuth alena dh'agan metya, ev hag oll y bobel, rag batel orth Edrei.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 7:17

Mar leverri y'th kolonn, ‘An kenedhlow ma yw brassa agesov; fatell allav vy erita aga thiredh?’ –

Dewteronomi 7:18

na borth own anedha, mes porth kov a'n pyth a wrug an Arloedh dha Dhuw dhe Faro ha dhe oll Ejyp,

Dewteronomi 7:21

Na borth euth anedha, drefenn an Arloedh dha Dhuw yn agas mysk bos Duw bras hag euthyk.

Dewteronomi 7:24

Ev a re aga myghternedh y'th leuv, ha distrui aga hanow a-dhann an ebron. Nagonan ny sev a-ragos bys pan y's distruydh.

Yoshua 10:25

Yoshua a leveris dhedha, ‘Na berthewgh own ha na vedhewgh digolonnek. Bedhewgh krev ha hardh; rag an Arloedh a wra yndella dhe oll agas eskerens a omledhowgh er aga fynn.’

Yoshua 10:8

An Arloedh a leveris dhe Yoshua, ‘Na borth own anedha, rag my re's ros y'th leuv; ny sev gour anedha a-dheragos.’

Yoshua 8:7

Ena hwi a sev yn-bann dhiworth an kontrewaytyans ha kemmeres an sita; rag an Arloedh dha Dhuw a's re yn agas leuv.

Breusysi 11:30

Yefthagh a wrug ti dhe'n Arloedh hag y leveris, ‘Mar redh an Ammonysi y'm leuv,

1 Samuel 23:4

Ena Davydh a wovynnas orth an Arloedh arta. Ha'n Arloedh a worthybis dhodho ha leverel, ‘Sav, Ke yn-nans dhe Keila; rag my a re an Filistysi a-berth y'th leuv.’