Niverow 21:24 - An Bibel Kernewek 20234 (Kernewek Kemmyn)

²⁴ Hag Ysrael a'n gweskis gans min an kledha, ha kemmeres yn perghennogeth y dir a Arnon dhe Yabbok, bys y'n Ammonysi; rag krev o or an Ammonysi.

Niverow 21:24 ပူးပေါင်းရင်းမြစ်များ

Jenesis 32:22

Hag ev a sevis yn-bann an nos na ha kemmeres y dhiw wreg ha'y dhiw vaghteth ha'y unnek flogh ha tremena rys Yabbok.

Nehemia 9:22

‘Gans henna ty a ros dhedha gwlaskordhow ha poblow, ow kevrenna dhedha pub kornell; ytho i a eritas tir Sihon, ha tir myghtern Heshbon ha tir Og myghtern Bashan.

Salmow 136:19

Sihon myghtern an Amorysi, rag y dregeredh a dhur bys vykken;

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Niverow 21:13

Alena i eth yn-kerdh, ha kampya a'n tu arall dhe Arnon, usi y'n gwylvos a ystynn a-dhiworth or an Amorysi; rag Arnon yw or Moab, yntra Moab ha'n Amorysi.

Dewteronomi 1:4

wosa ev dhe weskel Sihon myghtern an Amorysi trigys yn Heshbon, hag Og myghtern Bashan trigys yn Ashtaroth, yn Edrei.

Dewteronomi 29:7

Pan dheuthewgh dhe'n tyller ma, Sihon myghtern Heshbon hag Og myghtern Bashan eth yn-mes dh'agan metya rag batel ha ni a's gweskis.

Dewteronomi 3:16

ha dhe'n Rewbenysi ha'n Gadysi my a ros dhiworth Gilead bys y'n avon Arnon (kres an avon a veu an or) bys y'n avon Yabbok, or an Ammonysi;

Dewteronomi 31:4

Ha'n Arloedh a wra dhedha kepar dell wrug dhe Sihon ha dhe Og myghternedh an Amorysi, ha dh'aga thir, pan y's distruis.

Dewteronomi 4:46

a'n tu arall dhe Yordan, y'n nans a-dal Beth-peor, yn pow Sihon myghtern an Amorysi neb esa trigys yn Heshbon, neb a wrug Moyses ha mebyon Ysrael y weskel pan dheuthons yn-mes a Ejyp.

Yoshua 13:12

oll gwlas Og yn Bashan, a rewlyas yn Ashtaroth hag yn Edrei. Ev unnsel a veu gesys a remenant an Refaim, mes Moyses a's gweskis, ha'ga fesya.

Yoshua 24:8

Ha my a'gas dros dhe bow an Amorysi, esens trigys a'n tu arall dhe'n Yordan; hag i a omladhas er agas pynn, ha my a's ros yn agas leuv, ha hwi a gemmeras aga thir yn perghennogeth, ha my a's distruis a-dheragowgh.

Yoshua 9:10

ha pup-tra a wrug dhe dhew vyghtern an Amorysi esa dres an Yordan, dhe Sihon myghtern Heshbon, ha dhe Og myghtern Bashan trigys yn Ashtaroth.

Breusysi 10:11

Ha'n Arloedh a leveris, ‘A ny'gas delivris dhiworth an Ejyptianys ha dhiworth an Amorysi ha dhiworth an Ammonysi ha dhiworth an Filistysi?

Breusysi 11:13

Myghtern an Ammonysi a worthybis dhe gannasow Yefthagh, ‘Ysrael a gemmeras ow thir, hag ev ow tos yn-bann dhiworth Ejyp, a Arnon dhe'n Yabbok ha dhe'n Yordan; lemmyn ytho daskorr e yn kres.’

Breusysi 21:8

Ena i a leveris, ‘Eus nebonan a loethow Ysrael na dheuth yn-bann dhe'n Arloedh dhe Mispa?’ Y hwarva na dhothya nagonan a Yabesh-gilead dhe'n kamp, dhe'n kuntelles.