Niverow 20:24 - An Bibel Kernewek 20234 (Kernewek Kemmyn)

²⁴ ‘Aron a vydh kuntellys dh'y bobel; rag ny wra entra an tir re res dhe vebyon Ysrael, drefenn hwi dhe rebellya erbynn ow gorhemmynn orth dowrow Meriba.

Niverow 20:24 ပူးပေါင်းရင်းမြစ်များ

Jenesis 15:15

Ha ty a wra mos dhe'th tasow yn kres, ha bos ynkleudhys yn kothni dha.

Jenesis 25:17

Ha'n re ma yw blydhynyow bewnans Yshmael: seytek bloedh ha hwegh-ugens. Ev a dremenas hag a verwis hag a veu kuntellys dh'y bobel,

Jenesis 25:8

Ena Abraham a dremenas hag a verwis yn kothni dha, den koth, leun a vlydhynyow, hag y feu kuntellys dh'y bobel.

Jenesis 35:29

Hag Ysak a dremenas hag a verwis, hag a veu kuntellys dh'y bobel, leun a dhydhyow; ha'y vebyon Esaw ha Yakob a'n ynkleudhyas.

Jenesis 49:29

Ena ev a erghis dhedha, ow leverel dhedha, ‘My a vydh kuntellys war-barth gans ow fobel. Gwrewgh ow ynkleudhyas gans ow thasow y'n kav yn gwel Efron an Hittyas,

Jenesis 49:33

Ha Yakob a worfennas erghi dh'y vebyon ha tenna yn-bann y dreys a-berth yn y weli, hag anella y dhiwettha anall. Hag ev a veu kuntelles dh'y bobel.

2 Kroniklys 34:28

My a'th kuntell dhe'th tasow ha ty a vydh kuntellys dhe'n vedh yn kres; ny wel dha dhewlagas oll an terroesa a dhegav war an tyller ma ha war y drigoryon.’ I a dhros an messaj tre dhe'n myghtern.

Eksodus 17:7

Hag ev a elwis hanow an tyller Massa ha Meriba, drefenn strif mebyon Ysrael, ha drefenn i dhe brevi an Arloedh, ow leverel, ‘Usi an Arloedh yn agan mysk po na?’

Niverow 20:26

ha diwisk y dhillas a-dhiwar Aron, ha'ga gorra war Eleazar y vab; hag Aron a vydh kuntellys dh'y bobel, hag a verow ena.’

Niverow 20:5

Ha prag y hwrussys dhyn dos yn-bann yn-mes a Ejyp, dh'agan dri dhe'n tebel dyller ma? Nyns yw tyller rag hasa has, na figys, na gwinbrennyer, na greunavalow; ha nyns eus dowr dh'y eva.’

Niverow 27:13

Ha pan y'n gwelsys, ty ynwedh a vydh kuntellys dhe'th pobel, dell veu kuntellys dha vroder Aron,

Niverow 31:2

‘Diell mebyon Ysrael war an Midyanysi; a-wosa ty a vydh kuntellys dhe'th pobel.’

Niverow 4:27

Oll an servis a vebyon an Gershonysi war-lergh ger Aron ha'y vebyon, rag oll aga ober a dhegans, yn oll aga servis; ha ty a's charj gans oll aga ober a dhegans.

Dewteronomi 32:50

ha marw war an menydh mayth esos owth yskynna di, ha bydh kuntellys dhe'th pobel, kepar dell verwis Aron dha vroder war venydh Hor, hag y feu kuntellys dh'y bobel;

Dewteronomi 33:8

Rag Levi, y leveris: Bedhes dha Thummim ha'th Urim gans dha wour sans, neb a brevsys orth Massa, ha neb a strivsys ganso orth dowrow Meriba;

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Breusysi 2:10

Hag oll an henedh na a veu kuntellys dh'aga thasow ynwedh, hag ena ken henedh a devis war aga lergh, neb na aswonni an Arloedh na'n ober gwrys ganso a-barth Ysrael.