Niverow 20:20 - An Bibel Kernewek 20234 (Kernewek Kemmyn)

²⁰ Mes ev a leveris, ‘Ny dremenowgh.’ Hag Edom a dheuth yn-mes er aga fynn gans pobel niverus, ha gans dorn grev.

Niverow 20:20 ပူးပေါင်းရင်းမြစ်များ

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 32:6

Ha'n kannasow a dhehwelis dhe Yakob ow leverel, ‘Ni a dheuth dhe'th vroder, dhe Esaw; hag yma ev ow tos dhe'th vetya, ha ganso peswar kans gour.’

Salmow 120:7

My a lavur rag kres; mes pan gowsav, i a ombareus rag bresel.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Niverow 20:18

Mes Edom a leveris dhodho, ‘Ny dremenowgh, ma na dhyffiv gans an kledha er dha bynn.’

Niverow 20:21

Yndellma Edom a naghas ri fordh dhe Ysrael der y diredh; ytho Ysrael a dreylyas a-dhiworto.

Breusysi 11:17

Ena Ysrael a dhannvonas kannasow dhe vyghtern Edom, ow leverel, “Gas ni dhe dremena dre dha dir”; mes ny vynna myghtern Edom goslowes. I a dhannvonas ynwedh dhe vyghtern Moab, mes ny vynna assentya. Ytho Ysrael a wortas orth Kadesh.

Breusysi 11:20

Mes ny drestya Sihon may tremenna Ysrael der y diredh, ytho Sihon a guntellas oll y dus war-barth, hag a gampyas yn Yahas, hag a vatalyas orth Ysrael.