Niverow 20:14 - An Bibel Kernewek 20234 (Kernewek Kemmyn)

¹⁴ Moyses a dhannvonas kannasow a Kadesh dhe vyghtern Edom, ‘Yndellma y lever dha vroder Ysrael: Ty a woer oll an anken yw hwarvedhys dhyn:

Niverow 20:14 ပူးပေါင်းရင်းမြစ်များ

Jenesis 25:23

Hag yn-medh an Arloedh dhedhi, ‘Yma diw genedhel y'th torr ha diw bobel a vydh rynnys a'th kolodhyon; unn bobel a vydh kreffa es an bobel arall, ha'n kottha a wra servya an yowynka.’

Jenesis 25:25

An kynsa a dheuth yn-mes, rudhik o, oll anodho kepar ha mantell vlewek; ytho i a elwis y hanow Esaw,

Jenesis 25:26

Wosa henna y vroder a dheuth yn-mes ha'y dhorn a synsis gwewenn Esaw; ytho y hanow a veu gelwys Yakob. Ysak o tri-ugens bloedh pan wrug hi aga dineythi.

Jenesis 32:29

Ha Yakob a wovynnas orto, ow leverel, ‘Lavar dhymm dha hanow, my a'th pys.’ Hag yn-medh ev, ‘Prag y fynnydh govynn ow hanow orthiv?’ hag ev a'n bennigas ena.

Eksodus 18:8

Ena Moyses a leveris dh'y hwegron pup-tra a wrussa an Arloedh dhe Faro ha dhe Ejyp a-barth Ysrael, oll an anken re dhothya warnedha war an hyns ha fatell y's liv'sa an Arloedh.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Malaki 1:2

My re'gas karas, yn-medh an Arloedh. Mes hwi a lever, ‘Fatell y'gan kersys?’ A ny veu Esaw broder Yakob? yn-medh an Arloedh, Hwath my re garas Yakob,

Niverow 13:26

Hag i a dheuth dhe Moyses hag Aron ha dhe'n kuntelles oll a vebyon Ysrael bys yn gwylvos Paran, dhe Kadesh; i a dhros ger dhedha ha dhe'n kuntelles oll, ha diskwedhes dhedha frut an tir.

Niverow 20:15

fatell eth agan tasow yn-nans dhe Ejyp, hag yth esen trigys yn Ejyp termyn hir; ha'n Ejyptianys a'gan dyghtyas yn harow, ha'gan tasow.

Niverow 20:22

Hag i a dravalyas a-dhiworth Kadesh, ha mebyon Ysrael, an kuntelles oll, a dheuth dhe venydh Hor.

Dewteronomi 23:7

Na aborr Edomyas, drefenn ev dhe vos dha vroder. Na aborr den a Ejyp, rag ty a veu alyon yn y bow.

Yoshua 2:10

Ni re glewas fatell dhesyghas an Arloedh dowrow an Mor Rudh a-ragowgh pan ethewgh yn-mes a Ejyp, ha'n pyth a wrussowgh dhe dhew vyghtern an Amorysi esa dres an Yordan, dhe Sihon ha dhe Og, a sakersys dhe dhistruyans.

Yoshua 2:9

hag yn-medh hi dhe'n wer: ‘My a woer an Arloedh dhe ri dhywgh an tir; euth ahanowgh re goedhas warnan hag oll trigoryon an tir re deudhis yn own a-ragowgh.

Yoshua 9:10

ha pup-tra a wrug dhe dhew vyghtern an Amorysi esa dres an Yordan, dhe Sihon myghtern Heshbon, ha dhe Og myghtern Bashan trigys yn Ashtaroth.

Yoshua 9:9

I a leveris dhodho, ‘Dha wesyon re dheuth dhiworth pow pur bell, drefenn hanow an Arloedh dha Dhuw; rag ni re glewas ger-da yn y gever, ha pup-tra a wrug yn Ejyp,