Niverow 20:13 - An Bibel Kernewek 20234 (Kernewek Kemmyn)

¹³ An re ma yw dowrow Meriba, le may kenkias mebyon Ysrael gans an Arloedh, ha dredha ev a brovas y vos sans.

Niverow 20:13 ပူးပေါင်းရင်းမြစ်များ

Salmow 81:7

Ty a elwis yn anken ha my a'th telivras; my a worthybis dhis yn keladow an daran; my a'th provas orth dowrow Meriba. Sela.

Salmow 81:8

Klew, ow fobel, ha my a dheg dustuni dhis; A Ysrael, unnweyth a koslewes orthiv!

Salmow 95:8

Na galeshewgh agas kolonn kepar dell wrussowgh yn Meriba, hag yn dydh Massa y'n difeyth,

Eksodus 17:7

Hag ev a elwis hanow an tyller Massa ha Meriba, drefenn strif mebyon Ysrael, ha drefenn i dhe brevi an Arloedh, ow leverel, ‘Usi an Arloedh yn agan mysk po na?’

Ysay 5:16

Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 36:23

My a sansha ow hanow meur, re beu disakrys yn mysk an kenedhlow, hag a wrussowgh y disakra yn aga mysk. Ena an kenedhlow a woer my dhe vos an Arloedh, yn-medh an Arloedh Duw, pan vydhav sanshes dredhowgh a-rag aga dewlagas.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Dewteronomi 32:51

drefenn agas bos dislel dhymm yn mysk mebyon Ysrael orth dowrow Meriba-kadesh yn gwylvos Sin; drefenn na wrussowgh ow sanshe yn mysk mebyon Ysrael.

Dewteronomi 33:8

Rag Levi, y leveris: Bedhes dha Thummim ha'th Urim gans dha wour sans, neb a brevsys orth Massa, ha neb a strivsys ganso orth dowrow Meriba;