Niverow 19:19 - An Bibel Kernewek 20234 (Kernewek Kemmyn)

¹⁹ ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 19:19 ပူးပေါင်းရင်းမြစ်များ

Jenesis 2:2

Ha'n seythves dydh Duw a worfennas y ober re wrussa gul, hag ev a bowesas an seythves dydh a'n ober oll re wrussa.

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Levitikus 14:7

Hag ev a'n skoell seythgweyth war neb a dal bos glanhes ha desta y vos glan, ha delivra an edhen vew dhe wari y'n gwel igor.

Levitikus 14:9

Ha'n seythves dydh ev a dregh oll y vlew; y benn ha'y varv ha'y dhiwabrans, ev a dregh oll y vlew. Ena ev a wolgh y dhillas, ha badhya y gig yn dowr, hag ev a vydh glan.

Niverow 19:12

ev a wra omlanhe gans an dowr y'n tressa dydh hag y'n seythves dydh, hag yndellma bos glan; mes mar ny omlanha y'n tressa dydh hag y'n seythves dydh, ny dheu ha bos glan.

Niverow 19:13

Piwpynag a docchyo den marow, korf den pynag re verwis, ha ny omlanha, a dhefol tabernakel an Arloedh, ha'n den na a vydh treghys a-dhiworth Ysrael; drefenn na veu skoellys warnodho an dowr a lanheans, ev a vydh avlan; yma y avlander hwath warnodho.

Niverow 19:18

ena gour glan a wra kemmeres hyssop, ha'y dhroghya y'n dowr, ha'y skoellya war an tylda, ha war oll an daffar ha war an dus esa ena, ha warnodho neb a davas an askorn, po an den ledhys, po an den marow, po an bedh;

Niverow 31:19

Kampyewgh yn-mes a'n kamp seyth dydh; pubonan re ladhas den ha pubonan re dochyas den ledhys, omlanhewgh y'n tressa dydh hag y'n seythves dydh, hwi ha'gas kethyon.

Niverow 31:24

Res yw dhywgh golghi agas dillas y'n seythves dydh, ha hwi a vydh glan; hag a-wosa hwi a wra dos a-ji dhe'n kamp.’

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

Lyther Yud 1:23

sawyewgh re erell orth aga hibya yn-mes a'n tan; kemmerewgh truedh a re erell yn own, ha kesewgh ynwedh an dhillasenn hy honan re beu mostys gans an kig.