Niverow 18:32 - An Bibel Kernewek 20234 (Kernewek Kemmyn)

³² Ha ny dhegowgh pegh dre hemma, pan dhrehevowgh an gwella anodho. Mes ny dhisakrowgh taklow sans mebyon Ysrael, ma na verwowgh.

Niverow 18:32 ပူးပေါင်းရင်းမြစ်များ

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Levitikus 19:8

Neb a'n deppro a dheg y gammweyth, rag ev re dhefolas an pyth yw sans dhe'n Arloedh, ha'n den na a vydh treghys dhe-ves dhiworth y bobel.

Levitikus 22:2

Lever dhe Aron ha'y vebyon may tyghtyons gans revrons offrynnow sans mebyon Ysrael, ha na dhefollons ow hanow sans y'n taklow a sakrons dhymmo vy. An Arloedh ov vy.

Malaki 1:7

Hwi a offrynn war ow alter boes defolys! Mes hwi a lever, ‘Fatell re'th tefolsyn?’ Pan leverowgh hwi moes an Arloedh dhe vos koeg.

Niverow 18:22

Hag alemma rag ny dheu mebyon Ysrael ogas dhe dylda an kuntelles, ken i a dheg pegh ha merwel.

Niverow 18:31

ha hwi a yll y dhybri yn pub tyller pynag, hwi ha'gas tiogethyow; rag yth yw agas gober rag agas servis yn tylda an kuntelles.

Niverow 19:1

Lemmyn an Arloedh a leveris dhe Moyses hag Aron:

1 Korinthianys 11:27

Rakhenna, piwpynag a dheppro an bara po a effo hanaf an Arloedh yn fordh anwiw, kablus vydh a gorf hag a woes an Arloedh.

1 Korinthianys 11:29

rag piwpynag a dheppro hag eva heb aswonn an korf, a dheber hag eva breus warnodho y honan.