Niverow 18:26 - An Bibel Kernewek 20234 (Kernewek Kemmyn)

²⁶ Keffrys, ty a lever dhe'n Levysi: Pan gemmerowgh a-dhiworth mebyon Ysrael an dega re res dhywgh dhiworta rag agas eretons, ena hwi a wra offrynna offrynn drehevys anodho dhe'n Arloedh, dega a'n dega.

Niverow 18:26 ပူးပေါင်းရင်းမြစ်များ

Nehemia 10:38

Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow.

Nehemia 10:39

Rag pobel Ysrael ha mebyon Levi a dhre aga hevro a reun, gwin hag oyl dhe'n chambouryow le may ma lestri an sentri, ha'n oferysi neb a serv, ha'n borthoryon ha'n ganoryon. Ny forsakyn chi agan Duw.

Niverow 15:21

A'n kynsa frut a'gas toes, torth rond, hwi a re dhe'n Arloedh, avel offrynn drehevys der agas henedhow.

Niverow 18:21

Dhe'n Levysi my re ros pub dega yn Ysrael rag eretons, yn attal a'ga servis a wrons, aga servis yn tylda an kuntelles.

Niverow 18:25

Ha'n Arloedh a leveris dhe Moyses:

Niverow 18:27

Ha'gas offrynn drehevys a vydh reknys dhywgh kepar dell ve greun an leur-drushya, hag avel leunder an winwask.

Ebrowyon 7:5

Ha'n vebyon na a Levi, neb a dhegemmer an soedh a oferyas, a's teves gorhemmynn an lagha dhe gemmeres dega a'n bobel, henn yw a'ga breder, kynth yw an re ma ynwedh a dhiwglun Abraham.