Niverow 18:24 - An Bibel Kernewek 20234 (Kernewek Kemmyn)

²⁴ Rag dega mebyon Ysrael, hag a dhrons avel offrynn drehevys dhe'n Arloedh, my re ros dhe'n Levysi avel eretons; ytho my re leveris dhedha na's tevydh eretons yn mysk mebyon Ysrael.

Niverow 18:24 ပူးပေါင်းရင်းမြစ်များ

Nehemia 10:38

Hag oferyas, diyskynnys a Aron, a vydh gans an Levysi pan dhegemmerons an degedhow; ha'n Levysi a dhre yn-bann an dega a'n degedhow dhe ji agan Duw, dhe jambouryow an arghow.

Nehemia 13:12

Ena oll Yuda a dhros an dega a ys, gwin nowydh, hag oyl dhe'n gwithvaow.

Levitikus 27:30

Oll dega an tir, has an tir po frut an gwydh kyn fo, a vydh dhe'n Arloedh. Sans yw dhe'n Arloedh.

Niverow 18:25

Ha'n Arloedh a leveris dhe Moyses:

Niverow 18:26

Keffrys, ty a lever dhe'n Levysi: Pan gemmerowgh a-dhiworth mebyon Ysrael an dega re res dhywgh dhiworta rag agas eretons, ena hwi a wra offrynna offrynn drehevys anodho dhe'n Arloedh, dega a'n dega.

Niverow 26:62

Ha'n re anedha niverys o tri mil warn ugens, pub gorreydh a unn mis y oes ha moy; rag ny vons niverys yn mysk mebyon Ysrael, drefenn na veu res eretons dhedha yn mysk mebyon Ysrael.

Dewteronomi 10:9

Rakhenna ny veu dhe Levi rann nag eretons gans y vreder; an Arloedh yw y eretons kepar dell gewsis an Arloedh dha Dhuw dhodho.)

Dewteronomi 26:12

Wosa kowlwul degevi pub dega a'th askorr y'n tressa blydhen, blydhen an dega, ena ty a re dhe'n Levyas, dhe'n alyon, dhe'n omdhivas ha dhe'n wedhwes, may tepprons y'th yetys ha bos gwalghys.

Yoshua 13:14

Saw unnsel dhe loeth Levi ny ros ev rann; offrynnow leskys an Arloedh, Duw Ysrael yw aga eretons, dell leveris dhodho.