Niverow 18:20 - An Bibel Kernewek 20234 (Kernewek Kemmyn)

²⁰ Ha'n Arloedh a leveris dhe Aron: Ny' fydh eretons yn aga thir, na ny' fydh rann vyth yntredha; my yw dha rann ha'th eretons yn mysk mebyon Ysrael.

Niverow 18:20 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Salmow 142:5

My a armas warnas, A Arloedh; yn-medhav, ‘Ty yw ow skovva, ow rann yn tir an re vew.’

Salmow 16:5

An Arloedh yw ow rann dhewisys ha'm hanaf; ty a syns ow hevrenn.

Salmow 73:26

Ow hig ha'm kolonn a fyll, mes Duw yw nerth ow holonn ha'm rann bys vykken.

Kynvannow 3:24

‘Ow rann yw an Arloedh’, yn-medh ow enev, ‘rakhenna govenek a'm beus ynno.’

Ezekiel 44:28

Hemma a vydh eretons dhedha: my yw aga eretons. Ny rowgh dhedha perghennogeth yn Ysrael; my yw aga ferghennogeth.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Niverow 26:62

Ha'n re anedha niverys o tri mil warn ugens, pub gorreydh a unn mis y oes ha moy; rag ny vons niverys yn mysk mebyon Ysrael, drefenn na veu res eretons dhedha yn mysk mebyon Ysrael.

Dewteronomi 10:9

Rakhenna ny veu dhe Levi rann nag eretons gans y vreder; an Arloedh yw y eretons kepar dell gewsis an Arloedh dha Dhuw dhodho.)

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 14:27

Ha'n Levyas usi a-ji dhe'th yetys, ny wredh y forsakya, rag nyns eus dhodho kevrenn nag eretons genes.

Dewteronomi 14:29

ha'n Levyas (na'n jeves kevrenn nag eretons genes), ha'n alyon, ha'n omdhivas, ha'n wedhwes usi y'th yetys a yll dos ha dybri ha bos lenwys, rag ma'th vennikko an Arloedh dha Dhuw yn pub lavur a'th leuv a wredh.

Yoshua 13:14

Saw unnsel dhe loeth Levi ny ros ev rann; offrynnow leskys an Arloedh, Duw Ysrael yw aga eretons, dell leveris dhodho.

Yoshua 13:33

Mes ny ros Moyses eretons dhe loeth Levi; an Arloedh Duw yw aga eretons, dell leveris dhedha.

Yoshua 14:3

Moyses a ros eretons dres an Yordan dhe dhew loeth ha hanter-loeth; mes ny ros eretons dhe'n Levysi yn aga mysk.

Yoshua 18:7

Mes nyns eus rann yn agas mysk dhe'n Levysi, rag oferyaseth an Arloedh yw aga eretons. Gad, Rewben ha hanter-loeth Manasse re dhegemmeras aga eretons dres an Yordan troha'n howldrevel, a ros dhedha Moyses gwas an Arloedh.’

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.