Niverow 18:15 - An Bibel Kernewek 20234 (Kernewek Kemmyn)

¹⁵ Pup-tra a iger an dorr a bub kig, po den po best, a offrynnons dhe'n Arloedh, a vydh dhis; byttegyns kynsa-genys mab-den ty a dhaspren, ha'n kynsa-genys a vestes avlan ty a dhaspren.

Niverow 18:15 ပူးပေါင်းရင်းမြစ်များ

2 Myghternedh 12:5

kemmeres an oferysi an re ma dhiworth an alhwedhor, hag ewnhe an chi plepynag may fo edhomm a ewnheans diskudhys.’

Nehemia 10:37

ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

Eksodus 13:15

Rag pan naghas Faro gorth agan gasa dhe vones, an Arloedh a ladhas pub kynsa-genys yn pow Ejyp, ha kynsa-genys mab-den ha kynsa-genys an gwarthek. Rakhenna y sakrifiav dhe'n Arloedh oll an re worow a iger an brys; mes pub kynsa-genys a'm mebyon y tasprenav.”

Eksodus 13:2

Sansha dhymm pub kynsa-genys; an kynsa dhe igeri an brys yn mysk mebyon Ysrael, ha den ha best, yw dhymm.

Eksodus 22:29

Ny wredh strechya offrynna dhiworth leunder dha drevas na a sugen dha winwaskow. Kynsa-genys dha vebyon ty a re dhymm.

Eksodus 34:20

Kynsa-genys an asen ty a dhaspren gans oen, po mar ny'n dasprenydh, ty a wra terri y gonna. Kynsa-genys oll dha vebyon ty a wra dasprena. Na ny wra nagonan omdhiskwedhes a-ragov gwag y dhiwleuv.

Niverow 18:16

Ha pris aga daspren (orth unn mis ty a's daspren) ty a sett orth pymp shekel yn arghans, war-lergh shekel an sentri hag yw ugens gera.

Niverow 3:13

rag pub kynsa-genys yw dhymm; y'n jydh may ledhis pub kynsa-genys yn pow Ejyp, my a sakras dhymm ow honan pub kynsa-genys yn Ysrael, hag a vab-den hag a vest; i a vydh dhymm: my yw an Arloedh.’

Niverow 3:46

Ha rag daspren an dhew kans ha trydhek ha tri-ugens a'n re gynsa-genys a vebyon Ysrael, yw moy aga niver es an Levysi,

Dewteronomi 15:19

Pub kynsa-genys gorow a vo genys y'th gre hag y'th flokk ty a saker dhe'n Arloedh dha Dhuw. Ny wonedhydh gans kynsa-genys dha oghen, na knyvyas kynsa-genys dha flokk.