Niverow 16:46 - An Bibel Kernewek 20234 (Kernewek Kemmyn)

⁴⁶ Ha Moyses a leveris dhe Aron, ‘Kemmer an ynkyslester, ha gorra tan ynno a-dhiworth an alter, ha'y dhoen yn uskis dhe'n kuntelles, ha gul prenedh ragdha; rag sorr res eth yn-mes dhiworth an Arloedh; an pla re dhallathas.’

Niverow 16:46 ပူးပေါင်းရင်းမြစ်များ

1 Kroniklys 27:24

Yoab mab Seruya a dhallathas nivera mes ny worfennas; sorr a goedhas war Ysrael ragdho, ha ny veu an niver gorrys yn Kroniklys myghtern Davydh.

Salmow 106:29

Yndella i a'n sorras der aga gwriansow, ha'n pla a dardhas yn aga mysk.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Habakkuk 3:5

A-dheragdho yth a an vall, hag yn-rag yth a an pla orth y dreys.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Niverow 1:53

mes an Levysi a wra kampya a-dro dhe dylda an dustuni, ma na vo sorr war guntelles mebyon Ysrael; ha'n Levysi a with charj tabernakel an dustuni.’

Niverow 11:33

Ha'n kig hwath ynter aga dyns, kyns y vos dybrys, sorr an Arloedh a veu enowys, ha'n Arloedh a weskis an bobel gans pla meur.

Niverow 18:5

Ha hwi a with deverow an sentri ha deverow an alter, ma na vo sorr na fella war vebyon Ysrael.

Niverow 25:13

hag y fydh dhodho, ha dh'y dhiyskynnysi war y lergh, kevambos a oferyaseth bys vykken, drefenn y vos avius rag y Dhuw, ha gul daspren rag mebyon Ysrael.” ’

Niverow 25:8

ha mos war-lergh an gour a Ysrael y'n tylda, ha gwana aga dew, an gour a Ysrael ha'n venyn, dre hy horf. Yndellma an pla a veu astelys a-dhiworth mebyon Ysrael.

Niverow 8:19

Ha my re ros an Levysi yn ro dhe Aron ha'y vebyon yn mysk mebyon Ysrael, dhe wul servis rag mebyon Ysrael yn tylda an kuntelles, ha dhe wul prenedh rag mebyon Ysrael, ma na vo pla yn mysk mebyon Ysrael mar teffons nes dhe'n sentri.

Dewteronomi 9:22

Orth Tabera ynwedh hag orth Massa hag orth Kibroth-hattaava hwi a brovokyas an Arloedh dhe sorr.