Niverow 16:28 - An Bibel Kernewek 20234 (Kernewek Kemmyn)

²⁸ Ha Moyses a leveris, ‘Gans hemma hwi a wra godhvos an Arloedh dhe'm dannvon dhe wul oll an oberow ma, ha nyns o a'm govis vy.

Niverow 16:28 ပူးပေါင်းရင်းမြစ်များ

1 Myghternedh 18:36

Pan dheuth termyn offrynn an greun, an profoes Elias a dheuth nes ha leverel, ‘A Arloedh, Duw Abraham, Ysak, hag Ysrael, bedhes godhvedhys an jydh ma dha vos Duw yn Ysrael, hag ow bos dha was, ha my dhe wul oll an taklow ma orth dha arghadow.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 4:12

Ha lemmyn, ke, ha my, my a vydh gans dha anow ha dyski dhis an pyth a gewsydh.’

Eksodus 4:15

Ha ty a gews orto ha gorra an geryow yn y anow; ha my, my a vydh gans dha anow ha gans y anow dhe dhyski dhywgh an pyth dhe wul.

Eksodus 7:9

‘Pan lever Faro dhywgh, “Ombrevewgh dre wruthyl marthus”, ena ty a lever dhe Aron, “Kemmer dha welenn ha'y thewlel a-rag Faro may teffo ha bos sarf.” ’

Yeremia 23:16

Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Ezekiel 13:17

Ha ty, A vab den, treyl dha fas erbynn myrghes dha bobel usi ow profoesa dhiworth aga holonn aga honan; profoes er aga fynn,

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Zekaria 4:9

‘Diwla Zerubbabel a fondyas an chi ma; y dhiwla a wra y worfenna. Ena ty a woer y hwrug Arloedh an luyow ow dannvon dhis.

Niverow 24:13

“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”

Yowann 11:42

Ha my a wodhva, ty dhe'm klewes pup-prys, mes drefenn an routh a sev a-dro my a'n leveris, rag may kryssens ty dhe'm dannvon.’

Yowann 14:11

Krysewgh dhymm, my dhe vos y'n Tas ha'n Tas ynnov vy; poken krysewgh drefenn an oberow aga honan.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 5:36

Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Dewteronomi 18:22

Pan gews an profoes yn hanow an Arloedh, ha ny hwyrvydh an ger, na ny dheu dhe geweras, henn yw ger na wrug an Arloedh y gewsel. An profoes a'n gewsis gans bolder. Na borth own anodho.