Niverow 16:14 - An Bibel Kernewek 20234 (Kernewek Kemmyn)

¹⁴ Moy es henna ny wrussys agan dri yn tir a dhinwa leth ha mel, na ri dhyn eretons a barkow na gwinlannow. A vynnydh genna yn-mes lagasow an wer ma? Ny vynnyn dos yn-bann.’

Niverow 16:14 ပူးပေါင်းရင်းမြစ်များ

Eksodus 22:5

Gour pan as y enyvales dhe beuri yn gwel po gwinlann, po gasa y vest dhe beuri yn pras ken den, ev a wra daskorrans a'n gwella a'y bras y honan hag a'n gwella a'y winlann y honan.

Eksodus 23:10

Hwegh blydhen ty a wra hasa y'th tir ha kuntell y askorr;

Eksodus 23:11

mes y'n seythves blydhen ty a as dhodho powes ha bos anerys, may teppro boghosogyon dha bobel; ha'n pyth a asons, an bestes gwyls a yll dybri. Ty a wra yndellma ynwedh gans dha winlann ha gans dha olivennek.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Levitikus 20:24

Mes my re leveris dhywgh, Hwi a erit aga thir, ha my a'n rov dhywgh dhe berghenna, tir a dhinwa leth ha mel. An Arloedh agas Duw ov vy, re'gas dibarthas dhiworth an kenedhlow.

Niverow 13:27

Hag i a leveris dhodho, ‘Ni a dheuth dhe'n tir le ma'gan dannvensys; devri, ev a dhinwa leth ha mel, ha hemm yw y frut.

Niverow 14:8

Mars yw an Arloedh pes da ahanan, ev a'gan dre dhe'n tir ma ha'y ri dhyn, tir a dhinwa leth ha mel.

Niverow 20:5

Ha prag y hwrussys dhyn dos yn-bann yn-mes a Ejyp, dh'agan dri dhe'n tebel dyller ma? Nyns yw tyller rag hasa has, na figys, na gwinbrennyer, na greunavalow; ha nyns eus dowr dh'y eva.’

Breusysi 16:21

Yndella an Filistysi a'n sesyas hag a droghas yn-mes y dhewlagas. I a'n dros yn-nans dhe Gaza ha'y gelmi gans kargharow a vrons; hag ev a veu settys dhe velyas greun y'n prison.

1 Samuel 11:2

Mes Nahash an Ammonyas a worthybis, ‘War an gorholedh ma y hwrav kevambos genowgh, may hallav gorra yn-mes oll agas lagas dyghow, hag yndellma gorra disenor war oll Ysrael.’