Niverow 15:39 - An Bibel Kernewek 20234 (Kernewek Kemmyn)

³⁹ hag y fydh kribell ragowgh dhe vires warnedhi ha dhe berthi kov a worhemmynnow an Arloedh, dh'aga gul, ha na holyewgh war-lergh agas kolonn agas honan na'gas dewlagas dha honan, owth horya war aga lergh.

Niverow 15:39 ပူးပေါင်းရင်းမြစ်များ

1 Myghternedh 12:33

Ev eth yn-bann dhe'n alter re wrussa yn Bethel y'n pymthegves dydh a'n ethves mis; ena yn mis re dhewissa ev y honan, ev a fondyas goel rag an Ysraelysi ha mos yn-bann dhe'n alter rag offrynna sakrifisow.

Job 31:7

mar treylis ow hamm a-denewen dhiworth an fordh, mars eth ow holonn war-lergh ow dewlagas, po mar lenas namm dhe'm diwleuv;

Salmow 106:39

Yndella i a veu mostys yn aga gwriansow aga honan, hag i a omdhug avel horys yn aga gwriansow.

Salmow 73:27

Rag otta, an re usi pell dhiworthis a dhe goll; ty re dhistruis oll an re a wra horyans er dha bynn.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Lavarow Koth 28:26

Neb a drest yn y golonn y honan yw foll, mes neb a gerdh yn furneth a vydh saw.

Lavarow Koth 3:1

Ow mab, na ankov ow dyskans, gas dhe'th holonn gwitha ow gorhemmynnow;

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Yeremia 9:14

mes kerdhes war-lergh gorthter aga holonn aga honan, ha war-lergh an Baalim, hag a dhyskas aga thasow dhedha.

Ezekiel 6:9

An re ahanowgh a skap a wra ow kovhe y'n kenedhlow mayth yns i degys yn kethneth, fatell ov vy terrys gans aga holonn avoutrek a dreylyas a-dhiworthiv, ha gans aga dewlagas ow horya war-lergh aga idolys. Kasa aga honan a wrons dre reson an drogow a wrussons rag oll aga thaklow kasadow.

Hosea 2:2

Kuhudhewgh agas mamm, kuhudhewgh: rag nyns yw hi ow gwreg, ha nyns ov vy hy gour. Kemmeres hi hy dijastita mes a'y golok, ha'y avoutri dhiworth hy diwvronn,

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

Dewteronomi 4:23

Kemmerewgh with, ma na ankeffowgh kevambos an Arloedh agas Duw a wrug genowgh, ha gul ragowgh agas honan imaj gravys yn hevelep neppyth a wrug an Arloedh dha Dhuw y dhifenn orthis.

Dewteronomi 6:12

kemmer with na ankeffi an Arloedh neb a'th tros yn-mes a bow Ejyp, dhiworth an chi a gethneth.

Dewteronomi 8:11

Gwayt na ankeffi an Arloedh dha Dhuw, heb gwitha y worhemmynnow, y vreusow ha'y ordenansow esov ow korhemmynna dhis hedhyw.

Dewteronomi 8:14

ena kemmer with na ughelhaho dha golonn, ha ty a ankev an Arloedh dha Dhuw, neb a'th tros dhe-ves dhiworth an chi a gethneth;

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.