Niverow 15:30 - An Bibel Kernewek 20234 (Kernewek Kemmyn)

³⁰ Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Niverow 15:30 ပူးပေါင်းရင်းမြစ်များ

Jenesis 17:14

Ha gorreydh heb trodreghyans, nag yw trodreghys kig y gudhgenn, treghys dhe-ves dhiworth y bobel vydh an enev na; ev re dorras ow hevambos.’

Job 38:15

Skonys yw an golow dhiworth an dhrogoberoryon, ha terrys yw aga bregh dhrehevys.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Salmow 69:9

Rag tan ow holonn a-barth dha ji re'm kollonkas, ha despit an re a'th skorn jy re goedhas warnav vy.

Salmow 74:18

Porth kov a hemma, fatell wrug an eskar ges, A Arloedh, ha fatell dhispresyas pobel foll dha hanow.

Salmow 74:22

Sav, A Dhuw, pled dha gen; porth kov a'n despit gwrys dhis gans an foll oll an jydh.

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Salmow 89:51

An despit ganso may skornyas dha eskerens, A Arloedh, may skornsons olow dha Untys.

Eksodus 21:14

Mes den mar omsett der entent war dhen arall rag y ladha gans gil, ty a wra y gemmeres dhiworth ow alter may farwo.

Eksodus 30:33

Neb a gemmysko oyl avello po neb a worro anodho war estren a vydh treghys a'y bobel.’

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Ezekiel 20:27

Rakhenna, A vab den, kows dhe ji Ysrael ha leverel dhedha, Yndellma y lever an Arloedh Duw: Yn hemma ynwedh agas tasow a'm kablas ha bos dislel dhymm.

Levitikus 20:10

Ha'n gour a wra avoutri gans gwreg gour arall, neb a wra avoutri gans gwreg y gentrevek, a vydh gorrys dhe'n mernans yn sur, ha'n avoutrer ha'n avoutres.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 20:6

Ha'n den a dreyl dhe nygromons ha dhe goelyogyon, ow mos dhe horya gansa, my a vynn settya ow fas erbynn an den na ha'y dreghi dhe-ves dhiworth y bobel.

Niverow 15:29

Ty a' fydh unn lagha rag neb a gammwra heb y wodhvos rag an den yw genesik yn mysk mebyon Ysrael, ha rag an alyon usi trigys yn aga mysk yntredha.

Niverow 9:13

Mes an gour yw glan ha heb bos ow vyajya, mes hwath a omwith rag gwitha an pask, an den na a vydh treghys a'y bobel, rag ny offrynnas offrynn an Arloedh yn y dermyn apoyntys; an gour na a berth y begh.

Matthew 12:32

Ha piwpynag a gewsso ger erbynn Mab an den, dhodho y fydh gevys; mes piwpynag a gowsso erbynn an Spyrys Sans ny vydh gevys dhodho naneyl y'n oes ma nag y'n oes a dheu.

Dewteronomi 1:43

Ytho my a gewsis dhywgh, mes ny vynnsowgh klewes. Hwi a rebellyas erbynn gorhemmynn an Arloedh, ha hwi a lavasas mos yn-bann dhe'n menydh.

Dewteronomi 32:27

na ve my dhe berthi own a sorr an eskar, ma na wrella y envi kammgonvedhes, ma na lavarrens, ‘Agan leuv yw ughel; ny veu an Arloedh neb a wrug oll hemma.’

Ebrowyon 10:26

Rag mar peghyn a'gan bodh wosa degemmeres aswonnvos leun a'n gwiryonedh, nyns eus gesys namoy sakrifis rag peghosow,

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

2 Peder 2:10

ha dres oll an re ow mos war-lergh an kig yn drokhwans plos hag ow tispresya awtorita. Bold ha goethus, ny berthons own a vlasfemya eledh splann an nev,

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Samuel 2:25

Mar pegh unn gour erbynn gour arall, Duw a vreus yntredha; mes mar pegh gour erbynn an Arloedh, piw a vydh an pledyas ragdho?’ Mes ny woslowsons orth lev aga thas; drefenn bos bodh an Arloedh aga ladha.

1 Samuel 3:14

Rakhenna my a dos ti dhe ji Eli, na vydh kammweyth chi Eli dasprenys gans sakrifis na offrynn bys vykken.’