Niverow 15:15 - An Bibel Kernewek 20234 (Kernewek Kemmyn)

¹⁵ Rag an gemmynieth, y fydh unn ordenans ragowgh ha rag an alyon usi trigys genowgh, ordenans bys vykken der agas henedhow; par dell owgh, yndella y fydh an alyon a-rag an Arloedh.

Niverow 15:15 ပူးပေါင်းရင်းမြစ်များ

Ester 9:27

an Yedhewon a jarjyas hag omgemmeres a-barth dhedha i aga honan, hag a-barth aga has, hag oll an re a ve junys orta, i dhe woelya heb fyllel an dhew dhydh ma herwydh an skrif anedha, ha herwydh an eur ordenys ragdha, pub blydhen,

Eksodus 12:14

An jydh ma a vydh dydh kovadh dhywgh, ha hwi a wra y witha avel goel dhe'n Arloedh; der agas henedhow hwi a wra y witha avel ordenans bys vykken.

Eksodus 12:24

Hwi a wra goelya an dra ma avel ordenans ragos ha rag dha vebyon bys vykken.

Eksodus 12:43

Ha'n Arloedh a leveris dhe Moyses hag Aron, Hemm yw ordenans an pask: ny wra estren dybri anodho.

Eksodus 12:49

Y fydh unn lagha rag an genesik ha rag an alyon usi trigys yntredhowgh.

Eksodus 28:43

Hag i a vydh war Aron ha war y vebyon pan ons a-ji dhe dylda an kuntelles, po pan dhons ogas dhe'n alter dhe venystra y'n tyller sans; ma na dhokkons kabel warnedha aga honan ha merwel. Hemma a vydh ordenans bys vykken ragdho ev ha'y dhiyskynnysi war y lergh.

Levitikus 24:22

Y fydh unn lagha dhywgh, an alyon ha'n genesik maga ta, rag an Arloedh agas Duw ov vy.

Niverow 10:8

Ha mebyon Aron, an oferysi, a wra hwytha an hirgern. An hirgern a vydh dhywgh rag ordenans bys vykken der aga henedhow.

Niverow 15:14

Ha mars eus alyon trigys genowgh, po nebonan eus yn agas mysk der agas henedhow, hag a vynn offrynna offrynn dre dan, sawer plegadow dhe'n Arloedh, kepar dell wrewgh, yndella y hwra ev.

Niverow 15:29

Ty a' fydh unn lagha rag neb a gammwra heb y wodhvos rag an den yw genesik yn mysk mebyon Ysrael, ha rag an alyon usi trigys yn aga mysk yntredha.

Niverow 18:8

Ena an Arloedh a leveris dhe Aron: Otta, my re ros dhis charj a'n offrynnow drehevys dhymm, oll an taklow sakrys a vebyon Ysrael; my re's ros dhis avel rann, ha dhe'th vebyon avel ordenans bys vykken.

Niverow 9:14

Ha mar kodrik alyon yn agas mysk, hag a with an pask dhe'n Arloedh, war-lergh ordenans an pask ha war-lergh y rewlys, yndellma y hwra; hwi a'gas bydh unn ordenans, ha dhe'n alyon ha dhe'n genesik.

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

Yoshua 8:33

Oll Ysrael, keffrys alyon ha genesik, y henavogyon ha'n soedhogyon, ha'y vreusysi a sevis a'n eyl tu a'n argh ha'y gila a-dal an oferysi leviek, a dhug argh kevambos an Arloedh. Yth esa hanter anedha a-dal menydh Gerizim ha hanter anedha a-dherag menydh Ebal, dell worhemmynnis Moyses gwas an Arloedh kyns, i dhe venniga pobel Ysrael.

1 Samuel 30:25

Hag yth o yndella dhiworth an jydh na yn-rag, ev a'n gwrug ordenans ha breus rag Ysrael bys y'n jydh hedhyw.