Niverow 14:40 - An Bibel Kernewek 20234 (Kernewek Kemmyn)

⁴⁰ Hag i a sevis myttin a-varr, ha mos dhe benn an vro venydhyek, ow leverel, ‘Ottani, ni a wra mos yn-bann dhe'n tyller re ambosas an Arloedh: rag ni re beghas.’

Niverow 14:40 ပူးပေါင်းရင်းမြစ်များ

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Niverow 15:30

Mes an den neb a wra neppyth, ughel y dhorn, kyn fo genesik po alyon, a villik an Arloedh; ha'n den na a vydh treghys dhe-ves dhiworth y bobel.

Niverow 22:34

Ena Balaam a leveris dhe el an Arloedh, ‘My re beghas, rag ny wodhyen ty dhe sevel y'n fordh er ow fynn. Lemmyn ytho, mars yw tebel y'th wolok, my a dhehwel arta.’

Luk 13:25

Wosa mester an chi dhe sevel hag alhwedha an daras, ena hwi a sev an tu a-ves ow knoukya war an daras ow leverel, “Arloedh, igor dhyn”, hag ev a worthyp dhywgh ow leverel, “Ny'gas aswonnav, a-ble owgh.”

Dewteronomi 1:41

Ha hwi a worthybis ha leverel dhymm, ‘Re beghsyn erbynn an Arloedh; ni a yskynn hag omladh war-lergh pup-tra a worhemmynnis an Arloedh aga Duw.’ Ena peub a omwrogysas gans y arvow bel, ha tybi y fedha es mos yn-bann dhe'n menydh.

Dewteronomi 1:43

Ytho my a gewsis dhywgh, mes ny vynnsowgh klewes. Hwi a rebellyas erbynn gorhemmynn an Arloedh, ha hwi a lavasas mos yn-bann dhe'n menydh.