Niverow 14:35 - An Bibel Kernewek 20234 (Kernewek Kemmyn)

³⁵ My, an Arloedh, re gewsis; yn sur hemma a wrav dhe oll an tebel guntelles ma yw kuntellys er ow fynn: y'n gwylvos ma i a dheu dhe leun worfenn, hag ena i a verow.

Niverow 14:35 ပူးပေါင်းရင်းမြစ်များ

Salmow 78:33

Rakhenna ev a wrug dh'aga dydhyow tremena yn euveredh ha'ga blydhynyow yn euth.

Eksodus 23:21

Koelewgh orto ha goslowes orth y lev, na rebellewgh er y bynn, rag ny wra gava agas treuspass, drefenn bos ow hanow ynno.

Ezekiel 20:36

Kepar dell vreusis agas tasow yn difeythtir pow Ejyp, yndella my a wra agas breusi hwi, yn-medh an Arloedh Duw.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Niverow 26:65

Rag an Arloedh re lavarsa anedha, ‘I a wra merwel y'n gwylvos.’ Ny veu gesys nagonan anedha, marnas Kaleb mab Yefunne ha Yoshua mab Nun.

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

1 Korinthianys 10:5

Byttegyns, gans an brassa rann anedha Duw nyns o pes da; rag domhwelys vons y'n difeyth.

Ebrowyon 3:19

Ytho, ni a wel na allsons entra drefenn diskryjyans.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.