Niverow 14:34 - An Bibel Kernewek 20234 (Kernewek Kemmyn)

³⁴ War-lergh niver an dydhyow mayth aspisowgh an tir, dew-ugens dydh, rag pub dydh unn vlydhen, hwi a dheg agas kammweyth, dew-ugens blydhen, ha hwi a wra aswonn ow displesour.’

Niverow 14:34 ပူးပေါင်းရင်းမြစ်များ

1 Myghternedh 8:56

‘Benniges re bo an Arloedh, re ros powes dh'y bobel Ysrael herwydh pup-tra a ambosas; ny fyllis ger vyth a'y ambos da, a gewsis der y was Moyses.

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

Salmow 105:42

Rag ev a borthas kov a'y ambos sans, hag a Abraham y was.

Salmow 38:4

Rag ow hammweythresow res eth dres ow fenn, yth yns i avel begh re boes ragov.

Salmow 77:8

A hedhis y dregeredh bynitha? A fyll y ambos a unn henedh hwila dihwans dhe'n nessa?

Salmow 95:10

Dewgens blydhen my a dhivlasas an henedh na ha my a leveris, ‘Hemm yw pobel a wander yn sowdhan yn aga holonn, ha ny aswonnons ow fordhow.’

Ezekiel 14:10

I a berth kessydhyans aga anewnder – kessydhyans an govynner ha kessydhyans an profoes a vydh kehaval –

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Ezekiel 4:5

My re ros dhis an keth niver a dhydhyow avel blydhynyow aga anewnder, tri hans, deg ha peswar-ugens dydh. Yndella ty a berth anewnder chi Ysrael.

Ezekiel 4:6

Wosa kowlwul hemma, ty a wrowedh arta, mes war dha denewen dyghow, ha ty a berth anewnder chi Yuda dew-ugens dydh. Dydh rag pub blydhen a rov dhis.

Daniel 9:24

‘Deg seythun ha tri-ugens yw ervirys rag dha bobel, ha rag dha sita sans, rag gorfenna an treuspass, rag gorra sel war beghes, ha gul prenedh rag kammweyth; rag dro ewnder hag a dhur bys vykken, ha selya an welesigeth profoesek, ha rag untya an tyller an moyha sans.

Hosea 9:12

Kyn hwrellons meythrin aga fleghes, my a gemmer pubonan dhe-ves, ma na vo denvyth gesys. Go-i pan dreylyav anedha!

Levitikus 20:19

Ha ny wre'ta diskudha noethedh hwoer dha vamm, na hwoer dha das, rag ev a dhiskudh y gares ogas. I a dheg aga hammweyth.

Zekaria 11:10

Ena my a gemmeras ow bagel Hwekter ha'y therri, dhe dhilea an kevambos re wrussen gans oll an poblow.

Niverow 13:25

Dhe benn dew-ugens dydh i a dhehwelis a aspia an tir.

Niverow 18:23

Mes an Levysi a wra servis tylda an kuntelles, hag i a wra doen aga hammweyth; y fydh ordenans bys vykken der agas henedhow; hag yn mysk mebyon Ysrael ny's tevydh eretons.

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Oberow 13:18

ha dres neb dew-ugens blydhen ev a's porthas y'n difeythtir,

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Ebrowyon 4:1

Ytho, ha'n ambos hwath gesys dhe entra dh'y bowesva, perthyn own na vo nagonan ahanowgh breusys a fyllel dh'y attaynya.

Yoshua 14:10

Ytho lemmyn, awotta, an Arloedh re'm gwithas yn few, dell leveris, an pymp blydhen ha dewgens ma a-dhia'n termyn a gewsis an Arloedh an ger ma orth Moyses, pan esa Ysrael ow vyajya y'n gwylvos; hag ottavy y'n jydh ma, pymp bloedh ha peswar-ugens ow oes.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.