Niverow 14:33 - An Bibel Kernewek 20234 (Kernewek Kemmyn)

³³ Ha'gas fleghes a vydh bugeledh y'n gwylvos dew-ugens blydhen, hag a wra godhevel rag agas dislender bys pan wra an diwettha a'gas korfow marow growedha y'n gwylvos.

Niverow 14:33 ပူးပေါင်းရင်းမြစ်များ

Salmow 107:4

I a wandras y'n difeyth hag yn fordh an gwylvos, ny gavsons sita may trykkens ynni;

Salmow 107:40

ev a dhinwa despit war bennsevigyon ha gul dhedha gwandra yn difeyth hepfordh;

Salmow 78:33

Rakhenna ev a wrug dh'aga dydhyow tremena yn euveredh ha'ga blydhynyow yn euth.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Ezekiel 23:35

Rakhenna yndellma y lever an Arloedh Duw: Rag ty dhe'm ankevi ha'm tewlel a-dryv dha geyn, porth siwyansow dha avlander ha'th fornikasyon.

Hosea 9:1

Na lowenha, Ysrael, na heudh kepar ha'n kenedhlow, rag ty re beu dislen dhe'th Tuw; ty a garas gober hora war bub leur-drushya.

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Niverow 33:38

Hag Aron an oferyas a yskynnas menydh Hor orth gorhemmynn an Arloedh, hag a verwis ena, y'n dew-ugensves blydhen wosa mebyon Ysrael dhe dhos yn-mes a bow Ejyp, y'n kynsa dydh a'n pympes mis.

Niverow 5:31

An gour a vydh rydh a gammweyth, mes an venyn a dheg hy hammweyth.’

Oberow 7:36

An gour ma a's hembronkas yn-mes, ow kul marthusyon hag toknys yn pow Ejyp, hag orth an Mor Rudh, hag y'n gwylvos dres dew-ugens blydhen.

Dewteronomi 1:3

Y'n dew-ugensves blydhen, y'n unnegves mis, yn kynsa dydh an mis, Moyses a gewsis orth mebyon Ysrael herwydh pup-tra a wrug an Arloedh y worhemmynna dhedha,

Dewteronomi 2:14

Termyn agan kerdh dhiworth Kadesh-barnea bys pan dreussyn gover Zered o etek blydhen warn ugens; y'n kettermyn, oll henedh gwer an vresel re vawrsa yn-mes a'n kamp, dell dos an Arloedh dhedha.

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Dewteronomi 29:5

Dres dew-ugens blydhen my re'gas hembronkas y'n gwylvos; ny gothhas agas dillas warnowgh, ha ny gothhas dha sandal war dha droes.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Dewteronomi 8:4

Dha vantell ny gothhas warnas, ha dha droes ny hwythfis an dew-ugens blydhen ma.

Yoshua 14:10

Ytho lemmyn, awotta, an Arloedh re'm gwithas yn few, dell leveris, an pymp blydhen ha dewgens ma a-dhia'n termyn a gewsis an Arloedh an ger ma orth Moyses, pan esa Ysrael ow vyajya y'n gwylvos; hag ottavy y'n jydh ma, pymp bloedh ha peswar-ugens ow oes.

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.