Niverow 14:29 - An Bibel Kernewek 20234 (Kernewek Kemmyn)

²⁹ agas korfow marow a wra koedha y'n gwylvos ma; hag a'gas niver oll, niverys a-dhia ugens bloedh ha moy, re grodhvolas warnav,

Niverow 14:29 ပူးပေါင်းရင်းမြစ်များ

Salmow 106:26

Ytho ev a dhrehevis y leuv er aga fynn dh'aga domhwel y'n difeyth,

Salmow 78:33

Rakhenna ev a wrug dh'aga dydhyow tremena yn euveredh ha'ga blydhynyow yn euth.

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Niverow 1:45

Ytho niver kowal mebyon Ysrael, herwydh chiow aga thasow, a-dhia ugens bloedh ha moy, peub a ylli mos yn-rag dhe vresel:

Niverow 1:46

aga niver kowal o hwegh kans ha tri a vilyow, pymp kans ha hanter-kans.

Niverow 26:64

Mes yn aga mysk nyns esa nagonan a'n re niverys gans Moyses hag Aron an oferyas, neb a niveras mebyon Ysrael yn gwylvos Sinay.

Niverow 26:65

Rag an Arloedh re lavarsa anedha, ‘I a wra merwel y'n gwylvos.’ Ny veu gesys nagonan anedha, marnas Kaleb mab Yefunne ha Yoshua mab Nun.

1 Korinthianys 10:5

Byttegyns, gans an brassa rann anedha Duw nyns o pes da; rag domhwelys vons y'n difeyth.

Dewteronomi 2:14

Termyn agan kerdh dhiworth Kadesh-barnea bys pan dreussyn gover Zered o etek blydhen warn ugens; y'n kettermyn, oll henedh gwer an vresel re vawrsa yn-mes a'n kamp, dell dos an Arloedh dhedha.

Ebrowyon 3:17

Ha piw gansa y feu serrys dew-ugens blydhen? A nyns o gans an re a beghas, ha'ga horfow koedhys y'n gwylvos?

Yoshua 5:6

Rag an Ysraelysi a gerdhas dewgens blydhen der an gwylvos, bys pan verwis oll henedh an vreselyoryon, an re gyllys yn-mes a Ejyp, na woslowsons orth lev an Arloedh. An Arloedh a dos dhedha na assa i dhe weles an tir re dosa dh'aga thasow dhe ri dhyn, tir a dhinwa leth ha mel.

Lyther Yud 1:5

My a vynn dri dh'agas kov, hwi neb a woer pup-tra seulabrys, y hwrug an Arloedh, a dhelivras y bobel yn-mes a bow Ejyp, distrui an dhiskryjygyon a-wosa;