Niverow 14:18 - An Bibel Kernewek 20234 (Kernewek Kemmyn)

¹⁸ “An Arloedh yw lent ow serri, lenwys a dregeredh, ow kava kammweyth ha peghadow, mes ny vynn war neb kor klerhe an re gablus, ow kessydhya kammhynseth tasow war fleghes, war an tressa ha'n peswora henedh.”

Niverow 14:18 ပူးပေါင်းရင်းမြစ်များ

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Job 21:19

Yn-medhowgh, “Duw a greun kessydhyans anewnder den rag y vebyon”. Nansi, re bo attylys dhodho y honan, ma'n aswonno.

Salmow 103:8

An Arloedh yw truedhek ha grassyes, lent ow serri ha meur y dregeredh.

Salmow 108:4

Rag dha dregeredh yw meur a-ugh an nevow, ha'th wiryonedh a dhrehedh dhe'n kommol.

Salmow 109:14

Bedhes kovadh kammweyth y dasow a-dherag an Arloedh, ha na vedhes pegh y vamm defendys dhe-ves.

Salmow 145:8

An Arloedh yw grassyes ha truedhek, lent ow serri ha meur y dregeredh.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Yeremia 23:2

Rakhenna yndellma y lever an Arloedh, Duw Ysrael, erbynn an vugeledh a vugel ow fobel: Hwi re skattras ow deves ha'ga fesya, ha ny woelsowgh warnedha. Ytho my a visit warnowgh drogedh agas gwriansow, yn-medh an Arloedh.

Yeremia 32:18

Ty a dhiskwedh tregeredh dhe vilyow, hag attyli anewnder an tasow yn askra aga fleghes war aga lergh, an Duw meur ha galloesek, Arloedh an luyow yw y hanow,

Kynvannow 5:7

Agan tasow re beghas, ny vewons hwath; ni re beu beghys gans aga drogoberow.

Yona 4:2

Hag ev a bysis dhe'n Arloedh ow leverel, ‘My a'th pys, A Arloedh, a nyns yw henna an keth tra a leveris vy pan esen hwath y'm pow? Rakhenna my a fias y'n dalleth dhe Tarshish; rag my a wodhva ty dhe vos Duw grassyes ha truedhek, lent ow serri, ha leun a dregeredh, ow kemmeres edrek a'n drog.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Niverow 14:17

Ytho lemmyn, my a'th pys, gas nerth an Arloedh dhe vos meur, par dell ambossys, ow leverel,

Niverow 23:21

Ny welir anewnder yn Yakob; na ny welas ahwer yn Ysrael. Yma an Arloedh aga Duw gansa, hag yma garm myghtern yn aga mysk.

Romanyon 5:21

rag may kwrella gras reynya par dell reynya pegh yn mernans, der ewnder dhe vewnans heb diwedh dre Yesu Krist agan Arloedh.

Dewteronomi 5:10

mes ow tiskwedhes tregeredh dhe vilyow anedha a'm kar hag a with ow gorhemmynnow.

Dewteronomi 5:9

Na ombleg a-ragdha na'ga servya; rag my an Arloedh dha Dhuw yw Duw avius, ow tri kessydhyans kammweyth an tasow war an fleghes bys y'n tressa ha peswora henedh a'n re a'm kas,

Dewteronomi 7:10

mes owth attyli dh'aga fas an re usi orth y gasa, dh'aga distrui. Ny dhelat rag neb a wra y gasa; ev a wra y attyli dh'y fas.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;