Niverow 14:14 - An Bibel Kernewek 20234 (Kernewek Kemmyn)

¹⁴ hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Niverow 14:14 ပူးပေါင်းရင်းမြစ်များ

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

Nehemia 9:12

Gans koloven a gommol ty a's hembronkas y'n jydh ha gans koloven a dan y'n nos, dhe wolowi ragdha an fordh mayth ellens.

Nehemia 9:19

ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Salmow 105:39

Ev a lesas kommolenn yn kudhans, ha tan dhe ri golow nosweyth.

Salmow 78:14

Ha dydhweyth ev a's hembronkas gans kommolenn, ha dres an nos gans golow tan.

Eksodus 15:14

An poblow re glewas; i a gren; gloesow re dhalghennas trigoryon Filistia.

Eksodus 33:11

Yndella y kewsi an Arloedh dhe Moyses, fas orth fas, dell gews den orth y goweth. Pan dreylyas Moyses arta dhe'n kamp, mes y venyster Yoshua mab Nun, gour yowynk, ny dhibarthas a'n tylda.

Eksodus 33:16

Rag fatell vydh godhvedhys y kevis gras y'th wolok, my ha'th pobel? A nyns yw ty ow kerdhes genen, may fen diblans, my ha'th pobel, a oll an poblow usi war enep an nor?’

Eksodus 40:38

Rag yn oll aga herdhow yth esa kommolenn an Arloedh war an tabernakel dydhweyth, hag yth esa tan ynni nosweyth, a-wel chi Ysrael oll.

Niverow 10:34

Hag yth esa kommolenn an Arloedh warnedha dydhweyth, peskweyth mayth ethons a'n kamp.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

Dewteronomi 1:19

Ena ni a omdennas dhiworth Horeb ha mos der oll an difeythtir bras hag euthyk a welsowgh, war an fordh dhe venydh an Amorysi, kepar dell worhemmynnis an Arloedh agan Duw dhyn; ha ni a dheuth bys yn Kadesh-barnea.

Dewteronomi 34:10

Ha ny sevis profoes arta yn Ysrael avel Moyses, neb a wrug an Arloedh y aswonn fas orth fas,

Dewteronomi 5:24

Yn-medhowgh, ‘Awotta, an Arloedh agan Duw re dhiskwedhas dhyn y wolewder ha'y veuredh, ha ni re glewas y lev yn-mes a gres an tan. Hedhyw ni re welas Duw dhe gewsel gans den, hag ev a vew.

Dewteronomi 5:4

Fas orth fas, an Arloedh a gewsis genowgh war an menydh yn-mes a gres an tan.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.