Niverow 14:10 - An Bibel Kernewek 20234 (Kernewek Kemmyn)

¹⁰ Mes oll an kuntelles a vynnas aga labydha gans meyn. Ena golewder an Arloedh a omdhiskwedhas yn tylda an kuntelles a-rag mebyon Ysrael oll.

Niverow 14:10 ပူးပေါင်းရင်းမြစ်များ

Eksodus 16:10

Ha dell gewsi Aron dhe'n kuntelles oll a vebyon Ysrael, i a viras war-tu ha'n gwylvos, hag otta, golewder an Arloedh a omdhiskwedhas y'n gommolenn.

Eksodus 16:7

hag y'n myttin hwi a welvydh golewder an Arloedh, rag ev dhe glewes agas krodhvolyow war an Arloedh. Rag pyth on ni may krodhvolowgh warnan?’

Eksodus 17:4

Ytho Moyses a grias war an Arloedh, ‘Pandr'a wrav gans an bobel ma? Ogas parys yns dhe'm labydha.’

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Levitikus 9:23

Ha Moyses hag Aron eth a-berth yn tylda an kuntelles ha dos yn-mes ha benniga an bobel, ha glori an Arloedh a omdhiskwedhas dhe oll an bobel.

Niverow 16:19

Ena Koragh a guntellas oll an kuntelles er aga fynn dhe dharas tylda an kuntelles. Ha golewder an Arloedh a omdhiskwedhas dhe'n kuntelles oll.

Niverow 16:42

Ha pan veu kuntellys an kuntelles erbynn Moyses hag erbynn Aron, i a dreylyas war-tu ha tylda an kuntelles; hag otta, an gommolenn a'n kudhas, ha golewder an Arloedh a omdhiskwedhas.

Niverow 17:7

Ha Moyses a worras an gwelynni a-rag an Arloedh yn tylda an dustuni.

Niverow 20:6

Ena Moyses hag Aron eth a-dhiworth lok an gemmynieth dhe dharas tylda an kuntelles, ha koedha war aga fas. Ha golewder an Arloedh a omdhiskwedhas dhedha,

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.