Niverow 13:33 - An Bibel Kernewek 20234 (Kernewek Kemmyn)

³³ Hag ena ni a welas an Nefilim (mebyon Anak a dheuth dhiworth an Nefilim), hag yth en ni yn agan dewlagas agan honan kepar ha kulyeges-reden, hag yndellma o agan semlans dhedha i.’

Niverow 13:33 ပူးပေါင်းရင်းမြစ်များ

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

1 Kroniklys 11:23

Ynwedh ev a ladhas Ejyptyan, gour pymp kevelin y ughelder. An Ejyptyan a'n jeva yn y leuv guw kepar ha gwelenn gwiader; mes Benaya a settyas warnodho gans fust, ha kibya an guw yn-mes a leuv an Ejyptyan, ha'y ladha gans y wuw y honan.

Ysay 40:22

Ev a esedh war gylgh an bys, ha'y drigoryon avel kulyoges-reden yth yns; ev a ystynn an nevow avel vayl, hag a's les avel tylda ynno may trigir.

Niverow 13:22

I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Niverow 13:28

Mes an bobel trigys y'n tir yw krev, ha'n sitys yw kerys ha pur vras; ha dres henna, ni a welas diyskynnysi Anak ena.

Niverow 14:1

Ena oll an kuntelles a dhrehevis kri ughel; ha'n bobel a oelas an nos na.

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 2:10

(An Emim esa trigys ynni kyns, pobel vras, lies ha hir avel an Anakim.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Dewteronomi 9:2

pobel vras ha hir, mebyon an Anakim a aswonnydh, ha ty re'n klewas bos leverys, ‘Piw a yll sevel a-rag mebyon Anak?’

Yoshua 11:21

Y'n termyn na Yoshua a dheuth ha treghi an Anakim dhiworth an vro venydhyek, dhiworth Hebron, dhiworth Debir, dhiworth Anab, ha dhiworth oll vro venydhyek Yuda, ha dhiworth oll vro venydhyek Ysrael: Yoshua a's sakras dhe dhistruyans gans aga threvow.

Yoshua 14:12

Ytho ro dhymm an vro venydhyek ma, a gewsis anodho an Arloedh y'n jydh na. Ty dha honan a glewas y'n jydh na bos an Anakim ena, ha bos an sitys bras ha kerys; martesen an Arloedh a vydh genev, ha my a's fes, dell leveris an Arloedh.’

Yoshua 15:14

Ha Kaleb a fesyas alena tri mab Anak: Sheshay, Ahiman, ha Talmay, fleghes Anak.

1 Samuel 17:24

Oll gwer Ysrael, pan welsons an gour, a fias anodho, ha perthi own bras.

1 Samuel 17:42

Ha pan viras a-dro ha gweles Davydh, ev a'n dispresyas, rag ev o marnas maw, rudhik ha teg y semlans.