Niverow 13:29 - An Bibel Kernewek 20234 (Kernewek Kemmyn)

²⁹ Yma an Amalekysi trigys yn tir an Negeb; hag yma an Hittysi, an Yebusysi, ha'n Amorysi trigys y'n vro venydhyek; hag yma an Kananysi trigys ryb an mor, ha war lann an Yordan.’

Niverow 13:29 ပူးပေါင်းရင်းမြစ်များ

Jenesis 14:7

Hag i a dhehwelis ha dos dhe En-mishpat (henn yw Kadesh) ha fetha gwlas oll an Amalekysi ha'n Amorysi ynwedh esa trigys yn Haseson-tamar.

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Salmow 83:7

Gebal, hag Ammon, hag Amalek, Filistia ha'n re usi trigys yn Tyr.

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Niverow 13:17

Moyses a's dannvonas dhe aspia pow Kanan, ha leverel dhedha, ‘Kewgh yn-hons y'n Negeb, hag yskynna y'n vro venydhyek,

Niverow 13:30

Mes Kaleb a goselhas an bobel a-rag Moyses, ha leverel, ‘Gwren mos yn-bann distowgh, ha'y gevannedhi; rag pur abel on dh'y fetha.’

Niverow 14:25

Lemmyn, a-ban drig an Amalekysi ha'n Kananysi y'n nansow, treyl a-vorow ha mos yn-kerdh dhe'n gwylvos dre fordh an Mor Rudh.’

Niverow 14:43

Rag yma an Amalekysi ha'n Kananysi ena a-ragowgh, ha hwi a wra koedha der an kledha; drefenn hwi dhe dreylya a-dhiworth an Arloedh, ny vydh an Arloedh genowgh.’

Niverow 14:45

Ena an Amalekysi ha'n Kananysi esa trigys y'n vro venydhyek na a dhiyskynnas, ha'ga fetha ha'ga skattra, bys yn Horma.

Niverow 24:20

Ena ev a viras war Amalek, ha kemmeres yn-bann y gows, ha leverel, ‘Amalek o kynsa an kenedhlow, mes wortiwedh ev a dheu dhe dhistruyans.’

Dewteronomi 20:17

mes ty a wra aga sakra dhe dhistruyans: an Hittysi ha'n Amorysi, an Kananysi, ha'n Perizzysi, an Hivysi, ha'n Yebusysi kepar dell worhemmynnis dhis an Arloedh dha Dhuw,

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Yoshua 10:5

Ena pymp myghtern an Amorysi – myghtern Yerusalem, myghtern Hebron, myghtern Yarmuth, myghtern Lakish ha myghtern Eglon – a omguntellas war-barth ha dos yn-bann gans oll aga luyow ha kampya erbynn Gibeon, hag omladh er hy fynn.

Yoshua 10:6

Gwer Gibeon a dhannvonas dhe Yoshua dhe'n lu yn Gilgal, ow leverel, ‘Na forsak dha wesyon; deus yn-bann dhyn uskis, ha saw ni, ha gweres ni; rag oll myghternedh an Amorysi yn vro venydhyek re omguntellas er agan pynn.’

Yoshua 3:10

Ha Yoshua a leveris, ‘Gans hemma godhvydhewgh bos an Duw bew yn agas mysk hag ev dhe fesya a-dheragowgh heb falladow an Kananysi, an Hittysi, an Hivysi, an Perizzysi, an Girgashysi, an Amorysi ha'n Yebusysi.

Yoshua 5:1

Pan glewas oll myghternedh an Amorysi a'n howlsedhes dhe'n Yordan, hag oll myghternedh an Kananysi ryb an mor, an Arloedh dhe dhesygha dowrow an Yordan a-rag mebyon Ysrael bys pan dreussens, aga holonn a deudhis, ha nyns esa ynna spyrys na fella, drefenn mebyon Ysrael.

Yoshua 9:1

Lemmyn pan glewas oll an vyghternedh esa a'n howlsedhes dhe'n Yordan y'n vro venydhyek hag y'n Shefela ha ryb oll arvor an Mor Bras war-tu ha Lebanon – an Hittysi, an Amorysi, an Kananysi, an Perizzysi, an Hivysi, ha'n Yebusysi,

Breusysi 3:5

Ytho yth esa mebyon Ysrael trigys yn mysk an Kananysi, an Hyttysi, an Amorysi, an Perizzysi, an Hivysi, ha'n Yebusysi;

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.

1 Samuel 14:48

Hag ev a wrug yn kolonnek, ha gweskel an Amalekysi, ha delivra Ysrael mes a leuv an re a's pylla.

1 Samuel 27:8

Lemmyn Davydh ha'y wer eth yn-bann, hag i a wrug omsettyansow erbynn an Geshurysi, ha'n Girzysi, ha'n Amalekysi; rag yth o an re ma an trevesigethow dhiworth Telam war an fordh dhe Shur ha bys yn pow Ejyp.

1 Samuel 30:1

Lemmyn pan dheuth Davydh ha'y wer dhe Siklag y'n tressa dydh, an Amalekysi a wrug omsettyans war an Negeb ha war Siklag. I a waskas Siklag, ha'y leski gans tan,

1 Samuel 7:14

Ha'n sitys a gemmeras an Filistysi dhiworth Ysrael a veu daskorrys dhe Ysrael, a-dhiworth Ekron bys yn Gath; hag Ysrael a dhelivras aga thir yn-mes a leuv an Filistysi. Hag yth esa kres ynter Ysrael ha'n Amorysi.