Niverow 13:20 - An Bibel Kernewek 20234 (Kernewek Kemmyn)

²⁰ ha mars yw an tir rych po difeyth, ha mars eus prenn ynno po mar nyns eus. Bedhewgh a golonn dha, ha drewgh neppyth a frut an tir.’ Nena an termyn o seson an kynsa gwinreun adhves.

Niverow 13:20 ပူးပေါင်းရင်းမြစ်များ

1 Kroniklys 22:11

Lemmyn, ow mab, re bo an Arloedh genes, may sewenni ha drehevel chi an Arloedh dha Dhuw dell gewsis ev ahanas.

Nehemia 9:25

I a gemmeras sitys kerys ha tir feyth hag i a eritas chiow leun a bup-tra da, puthow pelys, gwinlannow, hag olewbrennyer, ha gwydh froeth pals. Ytho i a dhybris, hag a veu lenwys, hag a dheuth ha bos tew hag i a lowenhas y'th tader bras.

Nehemia 9:35

Hwath yn aga gwlaskor aga honan, hag y'th tader bras a resys dhedha y'n tir efan ha feyth, ny'th servsons na ny dreylsons dhiworth aga drog weythresow.

Ezekiel 34:14

My a's mag yn peurva dha, ha war venydhyow ughel Ysrael y fydh aga frasow. I a wrowedh yn peurva dha, hag yn prasow rych i a vydh megys war venydhyow Ysrael.

Daniel 11:24

Dison y hwra dos yn tiredhow feyttha an rannvro, hag y hwra an pyth na wrug y dasow na tasow y dasow. Ev a lesrann yntredha preydh, pyllansow ha pythow. Tewlel y dowlow a wra erbynn keryow, saw unnsel bys yn unn prysweyth.

Mika 7:1

Go-vy! Rag deuvev ha bos avel diwettha kuntell frut an hav, po kuntell gesigow trevas an grappys, pan nag eus grappys gesys dhe dhybri, na figys a-varr a'm beus hwans anedha.

Niverow 13:19

ha mars yw an tir mayth esons trigys da po drog, ha mars yw an sitys mayth esons trigys kampow po dinasow,

Dewteronomi 1:24

Hag i a dreylyas hag yskynna war-tu ha'n menydhyow bys yn nans Eshkol ha'y aspia.

Dewteronomi 1:25

Hag i a gemmeras yn aga leuv neppyth a frut an tir, hag y'n drosons yn-nans dhyn ha dri dhe-dre dhyn ger ha leverel, ‘Da yw an tir usi an Arloedh agan Duw ow ri dhyn.’

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

Ebrowyon 13:6

Ytho, ni a lever yn kolonnek, ‘An Arloedh yw ow gwereser, ny'm bydh own; pandr'a yll den gul dhymm?’

Yoshua 1:6

Bydh krev ha bydh kolonnek; rag ty re wrug dhe'n bobel ma erita an tir a des dh'aga thasow y ri dhedha.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Yoshua 2:1

Yoshua mab Nun a ragdhannvonas dew wour dhiworth Shittim dhe aspia yn-dann gel, ow leverel, ‘Kewgh dhe vires orth an tir, hag yn arbennik Yeriko.’ Ytho i eth, ha dos dhe ji hora, Rahab hy hanow, hag i a spenas an nos ena.

Yoshua 2:3

Myghtern Yeriko a dhannvonas dhe Rahab ow leverel, ‘Dro yn-mes an wer a dheuth dhis, a dheuth dhe'th chi, rag i re dheuth dhe aspia oll an tir.’