Niverow 11:4 - An Bibel Kernewek 20234 (Kernewek Kemmyn)

⁴ Lemmyn an routh esa yn aga mysk a'n jevo ewl krev; ha mebyon Ysrael ynwedh a oelas arta, ow leverel, ‘Piw a re dhyn kig dhe dhybri?

Niverow 11:4 ပူးပေါင်းရင်းမြစ်များ

Nehemia 13:3

Pan glewsons an lagha ma, oll an re a linyeth kemmyskys a veu diberthys dhiworth Ysrael.

Salmow 106:14

Mes drokhwans krev a dheuth warnedha y'n difeyth; hag i a brovas Duw y'n gwylvos.

Eksodus 12:38

Lu kemmyskys eth gansa ynwedh, ha pur lies gwarthek, hag oghen ha greow.

Eksodus 16:12

‘My re glewas krodhvolyow mebyon Ysrael; lavar dhedha, “Dhe dewlwolow hwi a wra dybri kig, hag y'n myttin hwi a vydh lenwys gans bara; ena hwi a wodhvydh my dhe vos an Arloedh agas Duw.” ’

Eksodus 16:3

ow leverel dhedha, ‘Unnweyth a marwen orth leuv an Arloedh yn pow Ejyp, pan en esedhys ryb an sethow-kig ha pan dhybryn bara dhe walgh! rag hwi re'gas dros yn-mes dhe'n gwylvos ma dhe ladha an gemmynieth oll dre nown.’

Yeremia 42:14

ow leverel, “Na, mes ni a vynn mos yn pow Ejyp, le ma na welyn bresel, na klewes son an hirgorn, na bos nownek rag bara, hag ena y trigyn”,

Niverow 11:18

Ha lavar dhe'n bobel, Omsakrewgh erbynn a-vorow, ha hwi a dheber kig; rag hwi re oelas yn klewans an Arloedh, ow leverel, “Piw a re dhyn kig dhe dhybri? Rag yth o da genen yn Ejyp.” Rakhenna an Arloedh a vynn ri dhywgh kig, ha hwi a wra dybri.

Niverow 14:1

Ena oll an kuntelles a dhrehevis kri ughel; ha'n bobel a oelas an nos na.

Niverow 14:22

nagonan re welas ow golewder ha'm toknys hag a wrug vy yn Ejyp hag y'n gwylvos, ha hwath a'm gorras dhe'n prov an deg treveth ma ha ny glewas ow lev,

Niverow 16:13

Yw hi tra vyghan ty dh'agan dri yn-bann yn-mes a dir a dhinwa leth ha mel, dh'agan ladha y'n gwylvos, mayth yw res dhis ynwedh omwul bos penntern a-ughon?

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

1 Korinthianys 10:6

Gwarnyansow dhyn ni yw an traow ma, ma na vo dhyn hwans a dhrog, par dell esa dhedha i.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

Dewteronomi 9:22

Orth Tabera ynwedh hag orth Massa hag orth Kibroth-hattaava hwi a brovokyas an Arloedh dhe sorr.