Niverow 11:17 - An Bibel Kernewek 20234 (Kernewek Kemmyn)

¹⁷ Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 11:17 ပူးပေါင်းရင်းမြစ်များ

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Jenesis 17:22

Hag ev a astelas kewsel ganso, ha Duw eth yn-bann dhiworth Abraham.

Jenesis 17:3

Hag Abram a goedhas war y fas ha Duw a gewsis ganso, ow leverel,

Jenesis 18:33

Ha'n Arloedh eth yn-kerdh kettell wrussa astel kewsel dhe Abraham, hag Abraham eth arta dh'y dyller.

2 Myghternedh 2:15

Ha pan y'n gwelas mebyon an brofoesi re bia yn Yeriko, i a leveris, ‘Spyrys Elias a drig war Elisha.’ Hag i a dheuth dhe vetya orto hag omblegya dhe'n dor a-ragdho.

2 Myghternedh 2:9

Pan esens ow mos a-dreus, y leveris Elias dhe Elisha, ‘Lavar dhymm an pyth a allav y wul ragos kyns ow bos kemmerys a-dhiworthis.’ Elisha a leveris ‘My a'th pys, re bo warnav rann dhewblek a'th spyrys.’

Nehemia 9:20

Ty a ros dha spyrys da dh'aga dhyski ha ny skonsys dha vanna a'ga ganow hag a ros dhedha dowr rag aga syghes.

Eksodus 18:18

Ty ha'n bobel genes a wra omskwitha, rag an dra yw re boes ragos, ha ny yllydh y wul dha honan.

Eksodus 18:22

Ha breusens an bobel pup-prys; pub negys bras i a wra dri dhis, mes negys byghan pynag i a wra breusi aga honan; may fydh esya ragos, hag i a wra doen an begh genes.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 19:20

Ha'n Arloedh a dhiyskynnas war venydh Sinay, dhe benn an menydh; ha'n Arloedh a elwis Moyses dhe benn an menydh ha Moyses a yskynnas.

Eksodus 34:5

Ha'n Arloedh a dhiyskynnas y'n gommolenn ha sevel ganso ena, ha gelwel y hanow: an Arloedh.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 63:11

Ena ev a borthas kov a'n dydhyow koth, Moyses ha'y bobel. Ple'ma ev neb a's dros war-vann yn-mes a'n mor, gans bugeledh y flokk? Ple'ma ev neb a settyas y Spyrys Sans a-berth ynno,

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Niverow 11:25

Ena an Arloedh a dhiyskynnas y'n gommolenn ha kewsel orto, ha kemmeres neppyth a'n spyrys esa warnodho ha'y worra war an deg henavek ha tri-ugens; ha pan bowesas an spyrys warnedha, i a brofoesas. Mes ny wrussons yndellma namoy.

Niverow 12:5

Ha'n Arloedh a dhiyskynnas yn koloven kommol, ha sevel orth daras an tylda, ha gelwel Aron ha Miryam; hag i a dheuth yn-rag aga dew.

Niverow 12:8

Ganso my a gews ganow orth ganow, yn tiblans, a-der yn kowsow tewl; hag ev a wel furv an Arloedh. Prag ytho na vewgh ownek dhe gewsel erbynn ow gwas Moyses?’

Niverow 27:18

Ha'n Arloedh a leveris dhe Moyses, ‘Kemmer Yoshua mab Nun, gour ynno may ma an spyrys, ha gorra dha leuv warnodho;

Niverow 7:89

Ha pan eth Moyses dhe dylda an kuntelles dhe gewsel gans an Arloedh, ev a glewas lev ow kewsel orto a-ugh an dregeredhva hag esa war argh an dustuni, yntra dew gerub; hag ev a gewsis orto.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 7:39

Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Romanyon 8:9

Mes nyns esowgh y'n kig, y'n Spyrys yth esowgh, mars usi Spyrys Duw trigys ynnowgh yn hwir. Neb na'n jeves Spyrys Krist nyns yw ev dhodho.

1 Korinthianys 2:12

Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

Lyther Yud 1:19

An re ma yth yw, neb a wra folsyow, tus a'n bys ma heb bos dhedha an Spyrys.

1 Samuel 10:6

Ha spyrys an Arloedh a wra dha dhalghenna, ha profoesa a wredh gansa, ha treylys vydhydh yn gour arall.