Niverow 10:29 - An Bibel Kernewek 20234 (Kernewek Kemmyn)

²⁹ Ha Moyses a leveris dhe Hobab mab Reuel an Midyanyas, hwegron Moyses, ‘Yth eson ni ow mos yn-kerdh dhe dyller may leveris an Arloedh anodho, “My a wra y ri dhis”; deus genen, ha ni a wra dader dhis; rag an Arloedh re ambosas dader dhe Ysrael.’

Niverow 10:29 ပူးပေါင်းရင်းမြစ်များ

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 32:12

Ha ty a leveris, “Yn sur my a wra da genes, ha my a worr dha has kepar ha tewes an mor na yll bos reknys drefenn an niver bras anodho.” ’

Salmow 100:1

Gwrewgh tros heudhik dhe'n Arloedh, oll an nor.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Salmow 95:1

Dewgh, gwren ni kana yn lowen dhe'n Arloedh; gwren ni tros heudhik dhe garrek agan selwyans.

Eksodus 18:1

Yethro, oferyas Midyan, hwegron Moyses, a glewas a bup-tra re wrussa Duw rag Moyses ha rag Ysrael y bobel, fatell dhrossa an Arloedh Ysrael yn-mes a Ejyp.

Eksodus 18:12

Ha Yethro, hwegron Moyses, a offrynnas offrynn leskys ha sakrifisow dhe Dhuw, hag Aron a dheuth gans oll an henavogyon a Ysrael dhe dhybri bara gans hwegron Moyses a-rag Duw.

Eksodus 18:27

Ena Moyses a asas y hwegron dhe dhibarth hag ev eth war y hyns dh'y vro y honan.

Eksodus 2:18

Hag y teuthons dhe Reuel aga thas, hag yn-medh ev, ‘Prag y fistensowgh dehweles hedhyw?’

Eksodus 2:21

Ha Moyses a assentyas triga gans an gour, neb a ros Sippora y vyrgh dhe Moyses,

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Niverow 10:28

Hemm o ordyr kerdh mebyon Ysrael herwydh aga luyow pan ethons yn-kerdh.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Oberow 7:5

Hwath ny ros dhodho eretons ynno, na kyn fe troesla, mes ev a dhedhewis y ri rag perghennogeth dhodho ev ha dh'y henedh war y lergh, kyn nag esa flogh dhodho.

Dewteronomi 30:5

Ena an Arloedh dha Dhuw a'th tro dhe'n tir a wrug dha dasow y erita, ha ty a'n erit. Ev a wra da dhis, ha dha ynkressya moy ages dha dasow.

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Breusysi 1:16

Mebyon an Kenyas, hwegron Moyses, eth yn-bann a sita an palmwydh gans mebyon Yuda dhe wylvos Yuda usi y'n Negeb ryb Arad; hag i eth ha triga yn mysk pobel an vro.

Breusysi 4:11

Lemmyn Heber an Kenyas re dhibarthsa dhiworth an Kenysi erell, mebyon Hobab hwegron Moyses, hag ev re gampyas mar bell avel an dherwenn yn Saanannim ogas dhe Kedesh.

1 Samuel 15:6

Yn-medh Sowl dhe'n Kenysi, ‘Kewgh! Gesewgh! Omdennewgh yn-mes a'n Amalekysi, po my a'gas distru gansa; rag hwi a dhiskwedhas tregeredh dhe oll mebyon Ysrael, pan dheuthons yn-bann mes a Ejyp.’ Yndella an Kenysi a omdennas dhiworth an Amalekysi.