Niverow 1:46 - An Bibel Kernewek 20234 (Kernewek Kemmyn)

⁴⁶ aga niver kowal o hwegh kans ha tri a vilyow, pymp kans ha hanter-kans.

Niverow 1:46 ပူးပေါင်းရင်းမြစ်များ

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

Jenesis 15:5

Hag ev a'n dros mes a-ji ha leverel, ‘Mir lemmyn troha'n nev ha reken niver an ster, mar kyllydh aga nivera.’ Hag yn-medh ev dhodho, ‘Yndella y fydh dha has.’

Jenesis 17:6

Ha my a'th wra dhe dhoen meur a frut, ha my a wra kenedhlow ahanas, ha myghternedh a dheu yn-mes ahanas.

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:14

Ha'th has a vydh kepar ha doust an dor ha ty a wra omlesa dhe'n howlsedhes, dhe'n howldrevel, dhe'n kledh ha dhe'n dyghow, hag oll teyluyow an norvys a vydh benniges ynnos hag y'th has.

2 Samuel 24:9

Ha Yoab a dherivas niver an bobel dhe'n myghtern: hag yth esa yn Ysrael neb eth kans mil wour krev a ylli handla an kledha; hag yn Yuda yth esa pymp kans mil wour.

1 Myghternedh 4:20

Yuda hag Ysrael o diniver avel tewes an vorlann; i a dhybri hag eva ha lowen ens.

1 Kroniklys 21:5

Yoab a ros sommenn niveryans an bobel dhe Davydh. Yth esa yn oll Ysrael milvil gledhevor ha kans mil, hag yn Yuda peswar kans, deg ha tri-ugens a vilyow a gledhevoryon.

2 Kroniklys 13:3

Abia a dhallathas an batel gans lu a gasoryon alloesek, peswar kans mil wour dewisys; ha Yeroboam a arayas y linenn a vatel er y bynn gans eth kans mil gasor alloesek.

Eksodus 12:37

Ha mebyon Ysrael eth yn-rag a Rameses dhe Sukkoth, neb hwegh kans mil wour war droes, heb rekna an fleghes.

Eksodus 38:26

beka pub penn (henn yw hanter shekel, war-lergh shekel an sentri), rag pubonan a veu reknys y'n niveryans, a ugens bloedh ha moy, rag hwegh kans ha tri a vilyow, pymp kans ha hanter-kans a dus.

Niverow 1:45

Ytho niver kowal mebyon Ysrael, herwydh chiow aga thasow, a-dhia ugens bloedh ha moy, peub a ylli mos yn-rag dhe vresel:

Niverow 11:21

Mes Moyses a leveris, ‘An bobel le mayth esov yn aga mysk yw hwegh kans mil aga niver war droes; ha ty re leveris, “My a re dhedha kig may tepprons mis kowal.”

Niverow 14:29

agas korfow marow a wra koedha y'n gwylvos ma; hag a'gas niver oll, niverys a-dhia ugens bloedh ha moy, re grodhvolas warnav,

Niverow 2:32

An re ma yw mebyon Ysrael dell vons niverys herwydh chiow aga thasow; peub y'n kampow a veu niverys herwydh aga luyow o hwegh kans ha tri a vilyow, pymp kans ha hanter-kans.

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Niverow 26:51

An re ma yw an re niverys a vebyon Ysrael, hwegh kans hag onan a vilyow, seyth kans, deg warn ugens.

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.